SOJABONE ONDER BESPROEIING
toegedien. Vloeibare bemesting is deur ’n spilpunt toegedien.
Jean sê die belangrikste faktor wat enige boerdery beïnvloed, is bestuur. As dit tekort skiet, gaan jy sukkel.
“Die reënval was dié seisoen maar min, maar die hitte-eenhede was baie goed. Ek het ook ’n goeie bemestingsprogram gebruik,” sê Jean.
MNR. ERICH CLOETE van die FC Cloete-boerdery by Cradock boer al sowat 36 jaar. Vanjaar het 22 boere aan Cradock Saad se 20 ton-mieliekompetisie deelgeneem en Erich was die wenner in die noordelike streek. Hy boer op die plaas Sanctuary.
Erich het saad van Monsanto vir die kompetisie in rywydtes van 76 cm aangeplant. Hulle het strookbewerking toegepas op die lappie grond wat hoofsaaklik sandleem is waartydens kunsmis toegedien is. Voor planttyd is bemesting toegedien, sowel as tydens die plantaksie en daarna is topbemesting toegedien. Erich het aanvullende blaarbespuitings gebruik.
“Strookbewerking bespaar koste en verhoog die plantspoed omdat jy net een keer met jou masjien oor die land gaan,” sê hy.
“Van die faktore wat tot ons goeie opbrengs bygedra het, is korrekte opkomsbestuur en korrekte ontkieming. In ’n droë jaar, soos vanjaar, moet waterbestuur perfek wees. Ons het ook ’n Crofft-produk gebruik wat die vegetatiewe groei van die plant terughou en daardie energie terug in die pitte van die mielies plaas. Dan is die kop effe groter en dit weeg meer.”
Hy hou nie van kompetisies nie, sê Erich, maar dit maak hom bewus van ander mense se boerderymetodes en hul suksesse.
MNR. DEON SCHOOMBEE boer by Middelburg in die Oos-Kaap op die plaas Vriesland. Hy boer al 16 jaar en gebruik saad van DuPont Pioneer. Hy plant hoof“Die saaklik op leemsand en pas skeurtand- en skyfbewerking toe. Hy het presisiegrondontledings laat doen en ook aanvullende blaarbespuitings toegepas. Hy het ook swamdoders laat spuit. Sy rywydtes was 76 cm.
Voor planttyd het hy misstof toegedien en weer met ’n planter tydens die plantaksie. Daarna is vloeibare kunsmis deur ’n spilpunt toegedien.
Deon meen wat goed bygedra het tot sy oes, is onder meer ’n goeie bemestingsprogram.
“Daarmee saam was grondbalansering ook van belang. Met die droogte moes waterskedulering vreeslik presies wees. Die grootste faktor van alles is bloot ook genade van Bo,” sê hy. MNR. GERRIT ROOS boer op die plaas Leeubank by Belfast. Hy boer al die afgelope 26 jaar saam met sy pa. Hulle gebruik saad van verskillende maatskappye, soos DuPont Pioneer, Pannar, Klein Karoo Saad en Link Seed. Die grondtipe op dié plaas is Avalon en hulle pas ’n strookbewerkingsmetode toe.
Gerrit sê heelwat redes het tot hul goeie opbrengs bygedra.
“Die seisoen se hitte-eenhede was hoog. Ons het slegs 553 mm reën gekry tydens hierdie warm tyd. Ons het die Pannarkultivar PAN 1623R op ’n land met drupperlyne onder die grond aangeplant. Ons het net in Desember en Januarie vir die soja ekstra water gegee.”
Bemesting is tydens strookbewerking toegedien en ook voor planttyd uitgestrooi. Hy het ook die grond vooraf met mis behandel.
bemesting is 200 kg 0:1:2 van Omnia en 400 kg Gromax van Azbot Marketing. Ons werk ook ’n klein hoeveelheid swael in die grond in vir ’n beter proteïeninhoud. Verder het ons behoorlike saadbehandeling (ent van saad) gedoen en molibdeen bygevoeg,” sê Gerrit.
Koper en ’n swamdoder is afsonderlik toegedien voor die blomstadium. Met die blomstadium is die soja met Agri-Fulbor van Azbot bespuit.
Tydens die peule se vulling is ’n Bellis-bespuiting gedoen. Hulle het ook ’n bespuiting met MAP Tegnies van Omnia gedoen. Die laaste bespuiting was met Sclerostop van Soygro.
Hulle het presisiegrondontledings en blaarontledings gedoen en ook grondklaskaarte gebruik.