Amerikaanse sukses kan ook hier geld
Die bekendstelling van die Weeg en Wen-kompetisie kom op ’n tydstip dat Suid-Afrikaanse boere terdeë bewus is van die prestasies van hul eweknieë in Amerika in die opbrengskompetisie van die nasionale vereniging van mieliekwekers in Amerika.
DuPont Pioneer is die wêreld se voorste produsent en verskaffer van gevorderde plantteelmateriaal, sê mnr. Roelof le Roux, landboukundige by Pioneer Hi-Bred. Die maatskappy verskaf saad van ’n hoë gehalte aan boere in meer as 90 lande. Pioneer bied landboukundige steun en dienste om boere te help om hul produksie en winsgewendheid te verhoog en het dit ten doel om volhoubare landboudienste vir mense op enige plek te ontwikkel.
Hy sê boere word aangemoedig om vindingryk te wees in hoe hulle hul oeste bestuur om die hoogste opbrengs te bewerkstellig, soos wat die geslaagde Amerikaanse opbrengskompetisie bewys het.
Volgens statistieke oor deelnemers aan dié kompetisie, wat reeds 51 jaar bestaan, is hul produksiesyfers veel beter as die nasionale gemiddelde.
Wedywering onder mekaar, maar ook die kans om by ander boere en kenners wenke te kry, ondersteun die motivering agter die kompetisie.
Die mikpunt is om met die Suid-Afrikaanse weergawe dieselfde wedywering by boere te kweek, inligting uit te ruil en beter oeste vir alle boere moontlik te maak danksy meer kennis en ervaring.
WAT SÊ DIE YANKS?
“Die opbrengskompetisie sorg vir gesonde wedywering tussen individuele boere, wat ook vooruitgang in boerdery bevorder,” sê mnr. Don Glenn, voorsitter van die produksie-en-rentmeesterskapaksiespan van die Amerikaanse nasionale mielieprodusente-organisasie.
“Die boerderytegnieke en -praktyke wat kompetisiewenners toepas en selfs ontwikkel, skep ’n basis vir waardevolle kennis wat wyd van toepassing is en ander graanboere in die land kan help om vooruit te boer – selfs in droogtetye.”
Een van daardie land se suksesvolste deelnemers aan die kompetisie is mnr. David Hula van Charles City in Virginia. Dit is die derde jaar dat hy die rekords laat spat as wenner en kategoriewenner in die kompetisie. Hy het in die 2015-seisoen ’n wêreldrekord opgestel met ’n oes van 532,0271 skepels per akker wat hy met ’n Pioneer-kultivar behaal het. Dit is 33,394 ton mielies per hektaar. Wat is sy geheim? “Ons wil die plant langer groen en gesond hou,” sê David.
“Ek is oortuig dat ’n mielieplant wat gesond en groen is, langer energie aan die mieliekop kan instoot.”
Hy sê dié wêreldrekordpoging is wel met ’n bietjie hulp vermag. Dit was ’n somer met koeler weer as normaal en