Ontdek Kokanje se natuurskat
Naby Modimolle is ’n aftreeoord met ’n versorgingseenheid en soveel dienste en geriewe dat jy nooit daar sal wil weggaan nie.
Is jy ’n natuurliefhebber? Dan is Kokanje die aftreeoord vir jou. Kom geniet die ryk biodiversiteit van die Bosveld van jou voorstoep af waar kleinwild vrylik rondbeweeg en die kwêvoëls bedags roep.
Teen skemeraand gesels die bospatryse en tarentale luidkeels in die ruigtes en vroegaand roep die naguiltjie na sy maat . . . En wanneer jy saans op jou stoep die stilte geniet, kan die nagapies jou dalkies met hul manewales vermaak.
Kokanje-aftreeoord, geleë buite Modimolle (Nylstroom) in die hart van die Waterberge, is net 90 minute se ry met die N1 noord van Pretoria af en bestaan al langer as 30 jaar.
Die oord het sy eie, onafhanklike infrastruktuur, soos ’n waternetwerk, kragnetwerk en riolering. Hierdie dienste en infrastruktuur word deur toegewyde, bekwame tegnici in stand gehou. Kokanje maak ook voorsiening vir noodwatervoorraad uit sy eie boorgate.
Die wonings bestaan uit gemoderniseerde een-, twee- en drieslaapkamereenhede met standaardafwerking en genoeg ruimte wat iets bied vir elkeen se smaak.
Sekuriteit by Kokanje geniet voorrang om ’n veilige omgewing vir die inwoners te verseker. Die oord is omhein met ’n geëlektrifiseerde heining wat gereeld deur wagte gepatrolleer word en daar is beheerde toegang.
Inwoners koop lewensreg. Dit beteken Kokanje sal vir inwoners voorsiening maak tot en met hul afsterwe. Dit behels ook die instandhouding van die wonings deur die oord se onderhoudspersoneel. Vergeet van munisipale rekenings, erfbelasting en eiendomsversekering. By Kokanje dek die bekostigbare heffing al hierdie aspekte en dit sluit ook skoonmaak- en tuindienste in.
’n Unieke, toonaangewende, geregistreerde versorgingseenheid sien om na die behoeftes van kategorie 3 verswakte bejaardes in. Tuisversorging is ook beskikbaar en vorm ’n integrale deel van die naasteliefde wat jy in Kokanje sal ervaar.
Smaaklike middagetes, vyf dae per week, sorg vir die innerlike versterking van die inwoners. Die tennis-, rolbal-, jukskei-, tafeltennis-, pluimbal-, gimtrimen stapklub sorg vir die fiksheid van die gees en liggaam. Iewers in die 28 aktiewe klubs by Kokanje behoort enige inwoner ’n tuiste te kan vind.
GERIEF, GEMAK
Kokanje met sy 594 aftreehuise funksioneer soos ’n dorpie. ’n Inwonende geneesheer is tot die inwoners se beskikking, asook ’n haar- en skoonheidsalon, poskantoor, biblioteek en snoepwinkel.
Verder is daar ’n swembad, danspartye en sosiale en kultuuraande waartydens bekende kunstenaars optree.
Vir die tuisblyers is daar geleentheid om in te teken op die spesiale DStv-pakket vir aftreeoorde wat, spesiaal vir die sportliefhebbers, al die SuperSportkanale insluit.
In die onmiddellike omgewing is ’n puik gholfbaan met toegang vanuit Kokanje, sowel as ’n vakansieoord ’n skamele 500 m van Kokanje se hoofingang. Daar is verhitte swembaddens en inwoners kan met ’n spesiale maandkaartjie daagliks toegang tot die vakansieoord kry.
BESTUURSPAN
Inwoners verkies driejaarliks kundige inwoners wat hulself beskikbaar stel om te dien in die bestuurskomitee en/of direksie wat die aftreeoord se beleid bepaal. ’n Bekwame bestuurspan onder leiding van die uitvoerende bestuurder is verantwoordelik vir die uitvoering van dié beleid. Gereelde inligtingsvergaderings bring inwoners op die hoogte van sake.
Daar is geen uitstaande skuld op die eiendom van Kokanjeaftreeoord nie.
Die oord se reserwes dek meer as 40% van die jaarlikse uitgawerekening danksy kundige finansiële bestuur en dissipline. Daardeur word die volhoubaarheid van jou aftrede in Kokanje verseker. co.za; bemarking@kokanje. 014 715 2030/1/2/3.