Tree rustig af op George
Wonder jy waar om af te tree? Moenie verder as Blue Mountain soek nie. Dié landgoed bied jou alles en nog meer.
Die Blue Mountainaftreelandgoed is ’n onoortreflike ontwikkeling op George in die Suid-Kaap. Dit bied twee keuses aan inwoners en voornemende kopers. Vrystaande woonhuise, woonstelle en ’n versorgingseenheid is in die Blue Mountain-landgoed en tuinwoonstelle is in The Gables beskikbaar.
Die vrystaande woonhuise in die Blue Mountain-landgoed het parkagtige tuine en gehalteafwerking vir die kieskeurige koper. Nog net ’n paar deeltitelopsies is in hierdie gevestigde ontwikkeling beskikbaar.
The Gables se tuinwoonstelle is die ideale kombinasie van ’n toesluit-en-ry-leefstyl en bystandversorging.
Dit bied goed ontwerpte behuising met een slaapkamer, ’n badkamer, oopplankombuis, eet- en sitkamer, motorafdak en patio.
The Gables is ideaal naby aan die dienssentrum – inwoners behou dus hul onafhanklikheid, maar het die gerusstelling dat versorgingsdienste beskikbaar is. Die wooneenhede het ook ’n kommunikasiestelsel wat 24 uur met die dienssentrum se noodstasie verbind is. Troeteldiere word binne perke toegelaat.
Kopers het ’n keuse tussen lewensreg of deeltitel (eienaarskap) wanneer hulle hul nuwe aftreewooneenheid koop.
INKOPIESENTRUM
Die landgoed is gerieflik langs die Garden Route-inkopiesentrum met die nuwe Eden Meander-sentrum digby. Die oop strande van Victoriabaai, Heroldsbaai en die Wildernis is om die draai en die pragtige botaniese tuin in George is ideaal vir daguitstappies.
Die omgewing bied ook verskeie pragtige gholfbane. Rolbal en ander sportsoorte word nie agterweë gelaat nie en is alles binne maklike bereik van die Blue Mountain-aftreelandgoed.
George, wat net 20 minute se ry van ’n lughawe af is, bied nie net verskeie historiese geboue en besienswaardighede nie, maar ook ’n private hospitaal.
Met al die vermaak, geriewe en moontlikhede wat beskikbaar is, behoort die rustige Blue Mountain-aftreelandgoed enige koper se eerste keuse vir aftrede op George te wees.