Tegnologie stu vierde industriële revolusie
Sonkragboerderye, selfrytrekkers, ’n hommeltuig wat die meeste van die dinkwerk vir jou doen . . . Tegnologie versnel ál vinniger. Die werklikheid soos ons dit ken, word daagliks omvergewerp.
KORTOM
■ Vier tegnologiegolwe vervorm die wêreld waaraan ons gewoond is. Die landbou is een van die bedrywe wat ontwrig gaan word, maar ten spyte van die probleme, gaan daar geleenthede geskep word. Baie geleenthede, soos sonkragboerdery en binnenshuise LED-boerderye, gaan ontsluit word.
Ons leef in ’n opwindende tyd waar tegnologie teen ’n toenemende pas ontwikkel. Die wêreld het in die afgelope 20 jaar meer verander as in die vorige 200 jaar, en die pas neem steeds toe. Die goeie nuus is dat ons op die rand van ’n opwindende nuwe era is. Ons sal meer verandering in die volgende twee dekades sien as wat ons die afgelope 250 jaar beleef het. Ons staar eksponensiële verandering in die gesig, wat uiters ontwrigtend is.
LINEÊR VS. EKSPONENSIEEL
Almal ken liniêre groei. As mense is ons geprogrammeer om linieêr te dink. As ek 30 liniêre treë gee, beweeg ek 30 m vorentoe – iets wat ek maklik kan verstaan.
Die natuur werk egter eksponensieel. Op molekulêre vlak verdeel ’n sel of mikrobe in twee, dan verdeel elkeen weer in twee, en so gaan dit voort. Eksponensiële vooruitgang is aanvanklik stadig, maar ontplof wanneer ’n buigpunt bereik word. As elke eksponensiële tree dubbel die vorige een is, en ek gee 30 eksponensiële treë (2, 4, 8, 16, 32 . . .), het ek ná 30 treë meer as ’n miljard meter beweeg!
Digitale tegnologie gaan eksponensieel vooruit. Moore se wet sê elke nuwe geslag mikroskyfies is dubbel so kragtig as die vorige een, gebruik minder energie en is gewoonlik goedkoper om te produseer.
Ons loop met superrekenaars in ons sak rond wat aan die globale brein verbind is – maar noem dit steeds ’n foon.
ONTWRIGTENDE TEGNOLOGIEË
Wat is hierdie ontwrigtende tegnologieë wat die vierde industriële revolusie aanvuur? Daar is vier golwe van tegnologie wat die status quo ontwrig. Die hele wêreld is immers besig om met slimtoestelle verbind te raak . . .
GOLF 1 Die slimfoonrevolusie het reeds die wêreld