Betroubare vragmotors te kiesentekeur

Isuzu het homself as ’n kragtige handelsmerk gevestig wat jaar ná jaar groei toon. Kliëntediens, een van hul kernwaardes, is die middelpunt van die onderneming.

Imperial Isuzu Truck Centre stel steeds die maatstaf wanneer dit kom by verkope en naverkopediens onder Isuzu-vragmotorhandelaars in die land,” meen mnre. Le Roux Roux, franchise-bestuursbeampte, en Ben Steenkamp, verkoopsbestuurder van hul Isando-handelaar.

Imperial Isuzu Truck Centre se vragmotorverkope maak 12,75% van Isuzu se nasionele verkope uit, wat altesame 4 346 eenhede vir verlede jaar was.

Dié prestasie het Imperial Isuzu Truck Centre vroeër vanjaar die toekenning as 2015 se Handelaar van die Jaar besorg. Die eerbewyse wat verower is, sluit in: Topvolumehandelaar, met die verkoop van 554 eenhede sowel as die eerste en tweede plekke vir die beste verkoopspersone. Me. Bronwyn Andrade het die eerste plek behaal as beste handelaarbestuursbeampte, en me. Elzahn Heyns die tweede plek.

“Ons is trots op die prestasies van ons Isando-handelstak, veral ons twee verkoopspersone. Hul harde werk spreek duidelik uit die resultate,” sê Le Roux.

Een van die belangrikste neigings vanjaar is die onafwendba- re prysverhogings onder al die handelsmerke in die mark vir vragmotors.

Hoewel Le Roux veranderinge in die vragmotormark sien, hou hy vol die “meer bekostigbare” handelsmerke sal ’n toename toon soos kliënte meer prysbewus raak. Hy sê egter ’n sekere groep kopers sal altyd daarna kyk om die allerbeste voertuie van gehalte te koop, selfs in hierdie taai tye en teen ’n hoër prys as die mededingers. “Hulle sien dit as ’n slim sakebesluit.”

TRANSMISSIE

As ’n mens na aankoopneigings binne die vragmotormark kyk, is daar ’n voortgesette neiging om voertuie met geoutomatiseerde/ handtransmissiestelsels (automated manual transmission, oftewel AMT) te koop.

Die maatskappy se AMT het stellig reeds ’n omwenteling in die voertuigvlootmark begin. Le Roux en Ben bevestig minstens 75% van die vragmotors wat hulle verkoop, is met AMT-transmissiestelsels toegerus.

FOTO: VERSKAF Die Isuzu-vragmotorreeks skrik nie vir harde werk nie. Die reeks bied boonop gemak, veiligheid en werksverrigting teen ’n bekostigbare prys.