SDLG-padskraper is ’n taai kalant
Babcock is een van die mees ervare en gevestigde verskaffers van grondverskuiwingstoerusting in Afrika.
Toerusting uit die SDLG-stal word oor die wêreld heen as bekostigbaar en betroubaar beskou. Dit is ontwerp om kostedoeltreffend en stewig te wees, maar ook maklik om te gebruik en te onderhou.
Die SDLG G9190-padskraper van 16 ton is ’n veelsydige masjien bekend om sy gevorderde bestuur- en gebruiksprestasie en betroubaarheid. Dié padskraper kan in verskeie situasies gebruik word, byvoorbeeld: Die gelykmaak en uitgrawe van grond- en gruispaaie. Die losmaak en verskuiwing van grond. Die verbetering van landbougrond. Die G9190 het ’n basiswerkgewig van sowat 17 602 kg, met ’n netto vliegwieluitset (SAE J1349) van 146 kW. Hierdie model is toegerus met ’n lem van 4 meter en het ’n robuuste rysterbordontwerp.
Dit bied ’n kombinasie van ’n driekragkromme-enjin en elektrohidrouliese kragratverskuiwingstransmissie, met ’n keuse van krag na gelang van die lading, wat beteken dit is uiters energiedoeltreffend. Die padskraper voldoen aan Suid-Afrikaanse munisipale ingenieurspesifikasies soos ’n dubbele sitplek, wat ’n standaardkenmerk van die G9190 is.
Die G9190 is ’n goed gebalanseerde padskraper met goeie traksie, uitstekende afwaartse druk op die lem en ’n kombinasie van enjin- en kragverskuiwingstransmissie, wat maklike en betroubare gebruik meebring.
Babcock verseker dat hierdie werktuie goed ondersteun word deur ’n wydverspreide infrastruktuur van takke, handelaars en dienspunte. Verkope en die naverkopediens van Babcock se Afrika-netwerk, van Kaapstad tot in Zambië, sluit voldoende onderdele in om nuwe en bestaande SDLG-produkte te onderhou.
011 397 1371, sheppard@babcock.co.za, www.babcock.co.za. grant.