Local is lekker met nuwe Bell L-reeks
Die Bell L-reeks bied die vernuwing en kenmerke wat ’n mens by groter en meer gesofistikeerde toerusting sou verwag.
Bell se L-reeks veeldoelige laaigrawe (TLB’s) word aangedryf deur die bewese, betroubare John Deere PowerTech™-enjin. Met die vyfgang outomatiese ratkas vir gladde ratwisseling kan die 315SL ’n topsnelheid van 40 km/h haal. Belangrike kenmerke sluit in: Beperktegly-ewenaar op die vooras en volsluitende ewenaar op die agteras vir die beste trekkrag en vierwielaandrywingsverrigting in sy klas. Standaard-asverkoeling. Standaard- sleutellose aanskakeling en ’n masjiensekuriteitstelsel. ’n Verbeterde laaigraaf-beheerhandvatsel met ’n ergonomiese ontwerp wat vingerpuntbeheer in die handvatsel inwerk. ’n Veelfunksie-hefboom op die stuurkolom om ligte, ruitveërs en flikkerligte te beheer, sodat die bestuurder op sy omgewing kan konsentreer terwyl hy in die laaigraafposisie werk. ’n Eksklusiewe digitale monitor bied die beste aanboorddiagnostika, -kalibrering en -masjieninligting in sy klas vir maklike instandhouding en om die opstelling van gebruikersvriendelike masjienkenmerke moontlik te maak om produktiwiteit te bevorder. Daaglikse grondvlakdienste aan dieselfde kant vir maklike instandhouding. Rybeheer word as opsionele kenmerk in die L-reeks gebied. Dit kan outomaties aanskakel wanneer die grondsnelheid die snelheidstelling van die monitor oorskry.
Met Rybeheer dien die voorlaaigraaf se hidrouliese silinders as skokabsorbeerders om rygemak te verbeter en bestuurdersvermoeienis te verminder. Dit help ook om vol vragte te lewer vir beter produktiwiteit.
Mnr. Dale Oldridge, produkbestuurder by Bell, sê sedert Bell in 2005 die enigste plaaslik vervaardigde TLB begin vervaardig het, het die maatskappy ’n lojale en groeiende kliëntebasis opgebou.
“Die Bell 315SL is hoofsaaklik dieselfde bewese en beproefde werkesel as die K-reeks TLB’s, met ’n paar verbeterings.
“Ons is oortuig dit sal meer waarde toevoeg vir TLB-eienaars ten opsigte van produktiwiteit, beskikbaarheid en daaglikse bedryfkoste.” www. bellequipment.com 011 928 9700; bellparts@bell.co.za