Met die bou van die nuwe Toyota Fortuner is geen koste ontsien om dié voertuig veilig, ekonomies en indrukwekkend te maak nie.
Die nuwe Toyota Fortuner verpersoonlik die ware weelde van vryheid. Die Fortuner se treffende en kragtige ontwerp staan in ’n stedelike omgewing uit én dit is opgewasse vir buitelugtoestande.
Die nuwe Toyota Fortuner is ontwerp met ’n elegante binneruim met vloeiende vorms wat gerief beklemtoon. Goeie materiale met ’n sagte gevoel word in kern-kontakoppervlakke naby die voorpaneel, windskermpilare en deurbeslag ingespan.
Die middelkonsole is afgerond deur vertikale pilare in sagte materiaal. Dit bied bykomende beensteun aan die bestuurder en voorste passasier. Daar is sitplek vir sewe mense in drie rye.
ALLE GERIEF
Al die Fortuner-modelle het klankstelsels met vier of ses luidsprekers, ’n hulpsok/USB-poort, AM/FM-radio en ’n CD-speler. Die klankstelsels van die 2.8GDen 4.0-V6-modelle pronk met DAB+ digitale radio en ’n 7”-skerm met DVD-versoenbaar- heid en trurat-kamerabeeld.
Ander standaard-kenmerke sluit in ’n Bluetooth-verbinding, lugversorging, stuurgemonteerde kontroles vir klankstelsel- en telefoonbeheer, sowel as elektriese beheer vir die deurslotte, deurspieëls en vensters.
VELD EN BESKAWING
Die nuwe Fortuner het ’n hoësterkte-raam, stewige romp, kronkelveer-vering en onderstelkalibrering. Die gevolg is duursaamheid, hantering wat vertroue bied, en goeie ritgemak met min oordrag van padgeraas, enjinvibrasies en grofheid (NVH).
Die Fortuner se veringhardeware behels versterkte veringtorings en dikker skokbrekers vir duursaamheid, stabiliteit en die uitskakeling van klein vibrasies. Die dik skokbreker-silinders stel die dempers in staat om hoë dempkrag in ’n kort beweging te bewerkstellig om die kleinste impak op grofheid te maak.
Die demper-kurwe is gekalibreer om ’n gelyke rit teen lae dempersnelhede te bied. Die Fortuner het ’n spoedsensitiewe, hidrouliese kragstuur.
Die stuur-kalibrering is ontwikkel om by uiterste toestande, verskillende smake en uiteenlopende bestuurdersvereistes te pas met die minste stuurmoeite.
’n Spesiale skermpakket wat die voertuig se onderkant help beskerm, is ontwikkel om uiterste gebruik te weerstaan. Dit sluit ’n skermplaat onder die enjin vir bykomende beskerming in.
KRAGTOENAME
Die Fortuner word aangedryf deur ’n reeks nuut ontwikkelde enjins, waaronder die 2.4- en 2.8-GD-enjinreeks, die 2.7-VVT-i en vierliter-V6-kragbronne.
Die hoëverrigtingsweergawe van die 2.4-GD bied puik brandstofdoeltreffendheid van 7 liter/100 km vir die handrat en 7,9 liter/100 km vir die outomatiese weergawe. Die 2.8-GD bied ’n gedugte balans tussen krag en besparing. Die verbruiksyfer wissel van 7,5 liter/100 km tot 8,5 liter/100 km na gelang van die model.
TRANSMISSIE
Die Fortuner gebruik die jongste Toyota-sesgang-transmissietegnologie vir groter gerief.
Die handrat- en outomatiese transmissie dek verskeie ratverhoudings om versnellingsverrigting en brandstofekonomie teen snelwegsnelhede te vervolmaak. Toyota het die nuwe geslag transmissiestelsels ontwikkel om brandstofbesparing BO EN LINKS: en wisselgevoel te verbeter, wat ook betroubaarheid en duursaamheid verseker. Brandstofverbruik is aan die hand van beperkte wringverliese verbeter deur die beste moontlike plasing van die olieskeier en beter materiale vir die bewegende dele te gebruik.
GEMOEDSRUS
Die Fortuner bied die beste veiligheidstandaard. Standaardelektroniese veiligheidsmaatreëls sluit in voertuigstabiliteitsbeheer (VSC), aktiewe kloubeheer (ATC), sleepwaswaaibeheer (TSC), heuwelwegtrekhulp (HAC) en rymodus (Drive Mode Select). Afdraandebeheer (DAC) is vir die 4x4-modelle beskikbaar.
Die sleepwa-swaaibeheer gebruik rembeheer en enjinverrigtingbeheer om sydelingse sleepwa-beweging te beperk. Aktiewe kloubeheer is ontwerp om te keer dat die wiele op oppervlakke met min klouvermoë tol, soos in modder en sneeu.
Heuwelwegtrekhulp verhinder dat die voertuig agteruit beweeg wanneer die bestuurder teen ’n opdraande wegtrek. Afdraandebeheer rem ’n 4x4-voertuig in hoë- of laestrek om ’n bestendige snelheid teen ’n steil afdraande te behou.
Die remstelsel behels lugverkoelde remskywe regdeur: 338 mm aan die voorkant en 312 mm agter. Wanneer die voertuig skielik hard rem, sal die noodflikkerligte aanskakel om ’n noodsein aan ander bestuurders te stuur.