Presisiemetodes met tegnologie verbeter
Presisietegnologie en toerusting raak al hoe belangriker by alle soorte gewasboerderye. Dit verhoog produktiwiteit, die gehalte van die werk, bespaar geld en verbeter werkstoestande.
Die winsgewendheid en produktiwiteit van enige boerdery hang af van die boerderymetodes wat toegepas word. Amazone is een van die voorste vervaardigers van presisielandbouwerktuie.
Presisieboerdery is ’n versameling tegnologieë wat verskillende toerusting met mekaar verbind om doeltreffender te werk. Dit sluit in toerusting wat geografiese plasing toepas, rekenaargedrewe bestuursprogramme en werktuie met wisseltoedieningsfunksies. Amazone se werktuie word plaaslik deur Falcon Agricultural Equipment versprei.
Amazone is ’n voorstander van presisieboerderytegnologie en ontwikkel deurlopend nuwe, doeltreffender werktuie wat aanpas by moderne landboupraktyke. Dié Duitse maatskappy bied ’n verskeidenheid werktuie, maar is veral bekend om sy reekse strooiers, sproeiers en grondbewerkingstoerusting.
Amazone het ’n uitgebreide reeks strooiers en die verskil lende weergawes is pasgemaak vir bykans enige soort boerdery.
STROOIPROSES
Van die grootste voordele van Amazone se strooiers is die vermoë om teen ’n hoë spoed te werk, uiters akkuraat te wees en wisseltoediening toe te pas. Die werkswydte kan verstel word. Van die nuwer modelle kan akkuraat tot 54 m wyd strooi.
Die akkurate weegselle gee ook ’n presiese aanduiding van die hoeveelheid kunsmis in die bak. ’n Kantelsensor korrigeer enige foute wat die lesings onakkuraat kan maak wanneer die werktuig oor heuwels of teen hellings beweeg. Die werktuie is só ontwerp dat dit ’n groot verskeidenheid mistowwe of saadgroottes kan strooi. Vernuwende kalibreringsmetodes verseker aanpasbaarheid en akkuraatheid wat dit besonder gebruikersvriendelik maak.
Een van die grootste voordele van Amazone se werktuie is dat alle elektronika deur ’n Isobusterminaal gereguleer word.
Amazone se terminaal is Amatron 3. As die strooiers ten volle met Isobus kan werk, verseker dit die volle aanpasbaarheid van data met enige Isobusterminaal in die trekker. Dit laat die boer toe om elke element van die strooiproses te beheer met uiterse akkuraatheid, asook om inligting en produksielewering intyds te ontvang. Amatron 3 is eenvoudig en maklik om te gebruik.
Die “RollsRoyce” van Amazone se strooiers is die ZATSkunsmisstrooier. Dit kan verstel word vir werkswydtes van 1554 m. Dit is toegerus met ’n presisiestrooiereenheid met ’n geïntegreerde AutoTStoestel wat keer dat dit verby die kante van die landery strooi.
Die werktuig het ook hidroulies aangedrewe strooiskywe en ’n inhoudsmaat van 4 200 liter. Die ZATS Ultra met sy stewige raam kan ’n vrag van tot 4 500 kg dra. Wanneer dit saam met die Amatron 3stelsel gebruik word, laat dit DynamicSpreadseksiebeheer toe vir tot 64 seksies in landerye. LINKS BO: REGS BO: Amazone het onlangs ’n eerbewys vir vernuwing gekry vir DynamicSpread, sy stelsel vir dinamiese seksiebeheer. Dit kan met die ZATS Hydro of die ZGTS Hydrokunsmisstrooiers toegepas word. Met DynamicSpread kan die werkwydte en wisseltoedieningsfunksies verstel word vir presisietoediening ten spyte van veranderinge in die terrein.
DynamicSpread is terminaalafhanklik. Dit kan tot 128 seksies beheer, maar met die terminale wat in SuidAfrika beskikbaar is, kan 1664 seksies beheer word. Die vermoë om 128 seksies te beheer dui wel op die akkuraatheid en vermoë van die strooier ten opsigte van sy vloeibeheer, leweringstelsels en die skyfspoedbeheer. www.falconequipment.co.za.