REDDINGSPLAN TREK WEER WEG
BELANGHEBBENDES in die koringbedryf gaan vroeg aanstaande jaar twee indabas hou om oor vordering met herlewingsprojekte vir die bedryf te praat.
“Die hele bedryf beleef moeilike toestande, nie net die boere nie,” sê me. Mariana Purnell,
hoofbestuurder van Agbiz Grain.
Sy is een van die sprekers by Agbiz se vooruitskouing vir volgende jaar.
“Die oorlewing van die plaaslike koringbedryf is vir die hele waardeketting belangrik, van die produsent tot die verwerker sowel as vir die verbruiker.
“Verskeie veranderinge is vanjaar gemaak om boere te help
om koring meer volhoubaar te verbou en om aan ander kwessies in die waardeketting aandag te gee.”
Agbiz Grain sal die indabas op 17 Februarie in Pretoria en 21 Februarie by Elsenburg by Stellenbosch aanbied.
Dit sal daarop toegespits wees om inligting te gee oor veranderinge wat gemik is op die herlemaand.
wing van die bedryf, asook oor nuwe regulatoriese vereistes wat ’n invloed op die bedryf het.
OPBRENGS
Purnell het gesê die afgelope 20 jaar was kultivarvrystellingsvereistes slegs op gehalte toegespits, wat die oorlewing van die plaaslike bedryf bedreig.
Kriteria behoort volgens haar
veel eerder ’n gesonde balans tussen opbrengs en gehalte te handhaaf.
Tans word plaaslike koring van goeie gehalte met ingevoerde koring van swakker gehalte gemeng om die uiteindelik produk se gehalte te verhoog, het sy gesê.
’n Nuwe tegnologieheffing van R25/ton het op 1 Oktober in
werking getree en gaan vir twee jaar geld.
Die heffing sal gebruik word om teling en nuwe tegnologie ten opsigte van koringkultivars te bevorder.
Tesame met verslapte kriteria vir die uitreiking van nuwe koringkultivars kan dit ’n beter balans tussen gehalte en opbrengs meebring, het Purnell gesê.
SERTIFIKAAT
Die JSE gaan volgende jaar sy bestaande stelsel met die toevoeging van ’n addisionele silosertifikaat aanpas, wat die minimumgraad van koring sal waarborg.
Purnell verwag dit sal die plaaslike koringprys steun. Mense wat die indabas wil bywoon, kan by die Agbiz Grain-kantoor bespreek by tel. 012 807 3002.