Sterk wortelgroei voed wêreld
Die sogenoemde Bruin Revolusie is gemik op die kern van volhoubare voedselproduksie. Omnia moedig boere aan om daarvolgens aan te pas om ’n voedselkrisis te voorkom.
Teen 2050 moet die wêreld 70% meer voedsel lewer om ’n bevolking van 9 miljard mense te voed. Voedselproduksie in ontwikkelende lande, soos Afrika, sal selfs moet verdubbel.
In die lig van die groter maatskaplike en stedelike aanspraak op landbougrond is daar min kans vir uitbreiding. Trouens, die voorspelling is dat bewerkbare grond met slegs 70 miljoen hektaar, of minder as 5%, gaan toeneem. Dus is daar ’n oproep vir ’n tweede Groen Revolusie, wat die doeltreffendheid van voedselproduksie op ’n volhoubare manier moet verhoog.
Binne die tweede Groen Revolusie het nog ’n revolusie sy ontstaan – die Bruin Revolusie. Die Bruin Revolusie word dikwels as die enigste volhoubare aksie teen ’n wêreldwye voedselkrisis gesien. Dit wil ’n era inlei vir boere wat net soveel aandag gee aan die verbetering van grondgehalte as om ’n gewas te verbou. Dit gaan oor verminderde bewerkinge n bewarings praktyke wat die grondstruktuur en wortelgesondheid behoue laat bly.
Die bewaring van grond en wortelstelsels is ’n eeue oue saak, soos Mary Beth Albright op National Geographic se webwerf
The Plate (13 Oktober 2015) verduidelik: “Die Bruin Revolusie is hier. Behandel grond met respek. In die woorde van Leonardo da Vinci: ‘Ons weet meer van die beweging van hemelliggame as wat ons van die grond onder ons voete weet.’ Dit was 500 jaar gelede en grondkundiges erken dit is vandag steeds waar.”
GRONDGESONDHEID
Omnia Nutrilogie® het 13 jaar gelede met die totstandkoming van OmniBio™ by die Bruin Re volusie aangesluit. OmniBio™ is ’n navorsingenontwikkelingseenheid binne Omnia wat grondlewe en gesondheid bestudeer en wat verwante konsepte en produkte ontwikkel. Onlangs het die klem na die wortelstelsel en veral die risosfeer (kontak tussen grond en wortel) verskuif om maniere te vind om wortelgroei te verbeter. Die strewe is onder meer om die doeltreffendheid van voedingstof en waterverbruik, asook weerstand teen siektes te verhoog.
Dit lyk asof wortelstelsels van gewasse weens verskeie faktore, benewens ongesonde grond, onderdruk word. Onlangse navorsing het bewys dat die genetiese modifikasie van plante klaarblyklik wortelstelsels ook nadelig kan beïnvloed. Navorsing op kleingrane in Brittanje het sedert die 1970’s ’n viervoudige verlaging in die wortellengtedigtheid van koring getoon.
Die skepping van ’n gesonde omgewing vir wortels om in te floreer en die byvoeging van natuurlike stimulante kan wortelgroei drasties verbeter, waterverbruiksdoeltreffendheid verdubbel en die opname van voedingstowwe met tot 400% verbeter.
NUWE PRODUK
OmniBio™ het ’n nuwe reeks produkte onder die handelsnaam Rhizovator™ bekend gestel. Dié produkte bevat verskeie stimulante, onder meer die welbekende humate, seewierekstrak en aminosure, maar ook opwindende nuwe komponente. Dié produkte is spesifiek vir sekere gewasgroepe en streke geformuleer. Sekere kombinasies mikroelemente kan ook op ’n gevallebasis bygevoeg word om in lokaliteitspesifieke behoeftes te voorsien.
Die Rhizovator™produkte is nie net in verskeie glashuispotproewe met grane en kanola getoets nie, maar ook in formele veldproewe. Navorsing is ook met boordgewasse, soos tafeldruiwe, gedoen.
Statisties beduidende verbeterings in wortelgroei is in al die gevalle aangeteken, met verhogings in wortelgewig van tot 200%. Veldproewe in die SuidKaap het ’n statisties beduidende wortelgewigverhoging van 23% by koring getoon, wat ’n opbrengsverhoging van 10% tot gevolg gehad het.
Tydens die proewe is statisties beduidende verhogings (tot 26%) in chlorofilinhoud (met die Minolta SPAD502meter gemeet), asook verhogings in voedingstofopname van meer as 60% opgemerk.
Die Rhizovator™produk is in druiweproewe op drie persele (Groblersdal, Worcester en Upington) toegedien om te sien of dit die vestiging van wingerdstokkies kan verbeter. Verbasende resultate is verkry, soos lote wat die “draad” binne vier maande bereik het, en selfs dan vrugte dra. By Groblersdal is ’n opbrengs van 4 500 kissies druiwe van uitvoergehalte verkry binne 15 maande nadat die stokkies geplant is.
Nog Rhizovator™produkte word ontwikkel vir verskeie toepassings by verskillende gewasse. Die nuutste klemverskuiwing is die byvoeging van lewende mikrobiese kulture om wortelsiektes, soos Phytophthora, en aalwurmbesmettings te onderdruk.
Die Bruin Revolusie sal sonder twyfel deur Omnia Nutrilogie® voortgesit word om wortelgroei asook die risosfeer en grondgesondheid te verbeter. Só verhoog die doeltreffendheid van water en voedingstofverbruik en word volhoubaarheid ondersteun.