Die siel van die boer
Bun Booyens, mediaman en stadsjapie, was vanjaar op ’n wonderlike reis om van Suid-Afrika se voorste boere te ontmoet vir die televisieprogram wat hy aangebied het. Die hoogtepunt was om te sien watter planne dié boere beraam om welslae te behaal.
Daar is drie eienskappe wat soos ’n goue draad deur die vernuwende en vooruitstrewende boere loop wat die afgelope paar Woensdagaande hul plaashekke in kykNET se televisiereeks Megaboere oopgegooi het – of hulle nou met wingerd, vee, vrugte, melk of vee boer.
Dit is boerderye wat die knoop kon deurhaak tydens een of ander krisis, dit is mense wat deurlopend uitstekend is met risikobestuur en dit is mense met langtermynplanne.
Só som Bun Booyens die twaalf stuks boere op wat hy tydens sy lang reis deur Suid-Afrika ontmoet het. Dié bekende tydskrif-en-koerantman het vanjaar voor die kamera ingeskuif as Megaboere se aanbieder.
“’n Boer maak ’n plan; ’n boer maak báie planne,” gesels hy oor ontbyt op Stellenbosch.
“Jy kan ’n halfuur praat met die mense wat op die program was, en jy sal agterkom daar KORTOM
■ Drie eienskappe van die deelnemers aan staan uit: Krisisbeheer, risikobestuur en langdurige beplanning. ■ Die meeste beskou grond as ’n middel tot
’n doel – bykans onemosioneel. ■ Bemagtiging word aangepak omdat hulle
wil, nie omdat hulle moet nie.
was iewers ’n groot vurk in die pad. Daar was ’n droogte, daar was ’n pa-en-’n-seun-oorhandiging wat moeilik was, daar was iewers ’n markprys wat deur die vloer geval het, daar was inflasie wat die hoogte ingeskiet het of daar was ’n produk wat nie meer waardevol was nie. Hulle het gaan sit, dit uitgepluis en besluit wat hulle daaroor gaan doen.
“Die tweede eienskap is dat dit mense is wat risiko verstaan en dit kan kwantifiseer. As die statistieke sê daar gaan drie moeilike BO: jare in ’n dekade wees, hoop hulle nie op een of twee nie. Hulle boer op só ’n manier wat sê: Ons is gepantser; enigiets kan eintlik maar oor die volgende ses tot agt maande gebeur. Die een boer glo jy moet jou sakeplan maak asof jy tot in Januarie sonder reën gaan boer.
“Hulle is mense wat iets fundamenteels kan verander; met ingrepe, nie alleen met hoop nie. Dis wat my fassineer: Almal het ’n plan gemaak. Hulle doen somme wat ek nie kan doen nie – met vyf, ses, sewe, agt veranderlikes in, gemeet oor moeilike en maklike jare. Daarom boer hulle in die middel van ’n droogtegeteisterde provinsie en niemand het sweet op hul bolip of ’n vae angs daaroor nie.