Reën is sommige se brood, maar nie vir rosyntjieboere
HOEWEL boere in groot dele van die droogte-geteisterde NoordKaap verheug is oor die onlangse reën, het dit rosyntjieboere in die Benede-Oranjerivierstreek vir die tweede agtereenvolgende jaar hard getref en hul hoop op ’n rekordoes laat taan.
Op sommige plekke oos van Upington het dit sedert Nuwejaar al 200 mm gereën. Kultivars soos sultanas was toe in die finale stadium van rypheid.
“Daardie druiwe is kapoet. Party boere byt nog vas en hoop hulle kan iets oes, maar baie boere het besluit om dit eerder na die kelders toe aan te ry vir versapping.
“Wat winsgewendheid betref, kan jy dit nie vergelyk met droogdruiwe nie, maar hulle het besluit om eerder die paar sent te vat pleks van niks,” sê mnr. Henning Burger, wingerdboukundige bestuurder by Orange de, volstruiskampe en landerye oor ’n afstand van 150 meter het ook weggespoel.
KRITERIA
River Cellars.
Boere moet nou bontstaan om te keer dat botritis in die wingerd versprei – ’n taak wat bemoeilik word deur die hoë humiditeit.
REKORDOES
Burger sê voor die reën was een van die grootste rosyntjie-oeste tot dusver moontlik.
“Ek dink die oes was sowat 10% groter as verlede jaar. Daar word nog baie reën voorspel, wat verdere verliese kan veroorsaak.”
Hy sê rosyntjieboere het verlede jaar meer gely as wat die geval is tot dusver vanjaar.
Gebiede oos van Upington, soos Kanoneiland, Grootdrink en Groblershoop, het swaar neerslae aangeteken. Op sommige plekke het dit 160 mm binne 24 uur gereën.
Hy sê dit is buitengewone weer vir Januarie. “Ons is gewoond aan donderstorms en reën in oestyd, maar gewoonlik eers laat in Februarie.”
WYNBOERE
Tot dusver kon wynboere darem skade vryspring, maar hulle hou nou asem op dat hulle nie in dieselfde bootjie as rosyntjieboere gaan wees wanneer parstyd oor ’n paar weke in volle swang is nie. –