BEURTKRAG ’N RAMP VIR LANDBOUBESIGHEDE
Eskom se beoogde kragonderbrekings kan katastrofiese gevolge vir ’n landboubesigheid inhou, sê mnr. Chris Schutte, uitvoerende hoof van Astral Foods.
Eskom sou beurtkrag, en later algehele kragonthouding, op 23 Januarie in die Lekwa-munisipaliteit (Standerton) begin.
Schutte sê Astral is Lekwa se grootste kliënt en maak staat op die ononderbroke voorsiening van krag en water.
“In ’n hoenderboerdery moet voer, water en ventilasie te alle tye vir die voëls beskikbaar wees.
“Die hoenderverwerkingsaanleg, wat groot hoeveelhede krag gebruik, het deurlopende kragvoorsiening vir sy bedrywighede nodig.
“Dit is ’n aaneenlopende siklus en elektrisiteit hou die masjinerie en verkoeling aan die gang,” sê Schutte in ’n verklaring.
Astral se Eskom-rekening is tans ten volle betaal.
Schutte sê Astral, met sy Goldi-verwerkingsaanleg, die Meadow Feeds-meule – die grootste in Afrika – en die meeste van Astral se braaihoenderplase in die Standertonomgewing, is die grootste werkgewer daar.
REGSTAPPE
Teen druktyd het Eskom reeds beurtkrag in sekere munisipaliteite in Noordwes en die Noord-Kaap toegepas en nog munisipaliteite sou later ook daaronder deurloop.
Verskeie munisipaliteite het wel deur afbetalingsooreenkomste beurtkrag voorkom.
In die Madibeng-gebied (Brits) het Syngenta Crop Protection en ander ondernemings volgens Netwerk24 met dringende hofstappe daarin geslaag om ’n ooreenkoms met Eskom te bereik dat beurtkrag tot 26 Januarie nie ingestel sou word nie.
Teen druktyd was Astral ook besig om regstappe te doen.
Dr. John Purchase, uitvoerende hoof van die landbousakekamer Agbiz, sê die beoogde kragonderbrekings skep ’n totaal onaanvaarbare situasie.
“In bykans alle kleiner, plattelandse dorpe, juis waar die probleem van nie betaling aan Eskom voorkom, vorm landboubesighede die kern en grondslag van die ekonomie.”
Enige weerhouding van kragvoorsiening gaan beslis ’n invloed op die betrokke landboubesighede hê, veral by verwerkingsaanlegte en ook by graanopbergingsgeriewe, sê Purchase.
ETORFIEN
Dr. Peter Oberem, direkteur van Afrivet en adjunkvoorsitter van Wildbedryf SA, bevestig dat die regulasies probleme in die wildbedryf veroorsaak.
Hy verduidelik die plaaslik vervaardigde M99 die voorkeurmiddel vir die neutralisering van wild is. Daar word egter nie genoeg van dié produk vervaardig om in
PANEELKISSIE