OOREENKOMS MET MERCOSUR SAL HOENDERBOERE BAAT
DIE handelsooreenkoms tussen die Suider-Afrikaanse Doeaneunie (Sadu) en die Suid-Amerikaanse Mercosurblok, wat verlede Oktober in werking getree het, kan vanweë laer voerkoste veral vir die plaaslike pluimveebedryf voordelig wees, skryf mnr. Tinashe Kapuya, hoof van internasionale handels-en-beleggingsinligting by Agbiz.
Mercosur is die Suid-Amerikaanse handelsblok waartoe Argentinië, Brasilië, Paraguay en Uruguay behoort.
Die proses om die ooreenkoms te beklink en in werking te stel, het langer as ’n dekade geduur. Onderhandelinge het in 2004 begin en die ooreenkoms is in 2008 en 2009 deur albei partye onderteken. Daarna moes al die betrokke parlemente dit goedkeur en Sadu moes sy administratiewe prosesse afhandel, soos die toewysing van kwotas tussen sy lidlande.
Die ooreenkoms het uiteindelik op 21 Oktober verlede jaar in werking getree, terugwerkend tot 1 April.
LANDBOU
der uit Mercosurlande.
In die ooreenkoms bied Sadu ’n hele aantal uitvoerkwotas aan verskeie Mercosurlande, soos aan Paraguay en Uruguay elkeen ’n kwota van 250 ton ontbeende, bevrore beesvleissnitte, met ’n binnekwota-tarief van 30%.
Buite die toegewese beperking sal die twee lande ’n tarief van 40% betaal.
Paraguay en Uruguay kan ook onderskeidelik 10 000 ton en 5 000 ton sojabone teen ’n binnekwota-tarief van 6% en buitekwota-tarief van 8% na SuidAfrika uitvoer.
Sadu bied aan Paraguay ’n kwota van 5 000 ton soja- en sonneblomolie. Vir elkeen is die binnekwota-tarief 7,5% en die buitekwota-tarief 10%.
Inligting oor hoe Sadu-lidlande die kwotas onder hulle verdeel het, is nie beskikbaar nie, maar dit is blykbaar op grond van historiese data gedoen.
Die kwotas sal in September aangepas en hertoegewys word. Die proses sal ná twee jaar hersien word.
PLUIMVEE