Nuwe ‘Nasie in Gesprek’ vertel álmal meer oor landbou
DIE jongste Nasie in Gesprektelevisiereeks trek ’n nuwe baadjie aan op die Afrikaanse DStv-kanaal kykNET.
In dié reeks besoek die span die platteland en leer hoe die landbou tot gemeenskappe bydra. Kenners gesels dan verder oor belangrike kwessies in verskeie landboubedrywe.
Wees op die uitkyk uit vir die episode oor die skaapbedryf wat op Woensdag 25 Januarie om 17:30 die eerste keer uitgesaai word (heruitsendings volg).
Nasie in Gesprek is ’n gespreksforum wat deur Senwes in die lewe geroep is. Verskeie vennote in die landbou ondersteun die inisiatief.
Die eerste gesprekke is vier jaar gelede op die Nampo-Oesdag aangebied.
Ateljeegaste en gesprekspanele gee verdere insig oor die kwessies wat voedsel- en veselproduksie beïnvloed en hoe dit die verbruiker raak.
SINVOLLE GESPREKKE
Theo Vorster van Galileo Capital, Rozanne McKenzie, omroeper by Jacaranda FM, en Mpumelelo Mkhabela, voormalige redakteur van The Sowetan , is die aanbieders. Nasie in Gesprek
Chris Burgess, redakteur van Landbouweekblad, gee sy perspektief oor hoe die landbou ook gewone mense raak.
Die reeks wil Afrikaans- en Engelssprekende gehore bereik. Dit word op kykNET, Business Day TV en Soweto TV uitgesaai.
Nasie in Gesprek word moontlik gemaak deur Senwes en die medeborge, Monsanto, Nedbank, Hinterland, NWK, Afgri en Imperial Isuzu.
Landbouweekblad is die mediavennoot. Werner Scholtz en Ronel Botha van Brand Republic is die vervaardigers van die reeks.
Vir nog inligting oor die uitsendings, gaan na
of laai die Nation in Conversation-slimfoontoepassing af. Neem self deel aan die gesprek op Facebook by “Nation In Conversation” of op Twitter by @NationConverse.
UITSAAITYE
Afrikaanse uitsendings op kykNET: Woensdae om 17:30 met heruitsendings op Donderdae om 11:00, Saterdae om 17:00, Sondae om 00:30, Maandae om 16:30 en Woensdae om 01:00.
Engelse uitsendings: Business Day TV op Maandae om 22:30 en Soweto TV op Donderdae om 18:00. Heruitsendings vind ook op hierdie kanale plaas.