VOER SÓ VIR OORLEWING
Rural Development, www.sasas.co.za/aahrd/ Verhoog vee op droogtegeteisterde veld se kans op oorlewing deur hulle toegang te gee tot ongemaalde hooi in lang vorm.
Droë gras wat langs paaie of op uitvalgrond gesny kan word, koringstrooi, ander oesreste of selfs fluitjiesriet sal daarvoor deug. Dit is die raad van prof. HO de Waal, veekundige van die Universiteit van die Vrystaat, aan boere in gebiede wat steeds onder die nagevolge van een van die knellendste droogtes in dekades gebuk gaan.
Die doel van die lang hooi is om die spoed te vertraag waarmee voedingsmateriaal deur die grootpens beweeg, verduidelik hy.
Sedert Desember het vee in talle gebiede waar die droogte nog nie behoorlik gebreek was nie, by die dag agteruitgegaan, terwyl voorspellings daarop gedui het dat goeie reën dalk eers in Februarie verwag kan word.
HO sê die karige groen opslag ná ligte reënbuie het meestal min gehelp, veral in Applied Animal Husbandry & toestande waar die voerskaarste groot was. Die nuwe opslag het eerder vinnig saad en betreklik min kos gemaak. Blaarryke graspolle is baie skaars op sulke veld.
“Vee verspil energie om groen grasbotsels na te loop en die inname van sappige materiaal met ’n hoë waterinhoud maak die diere se pense met tipiese nat mis los. Die vinniger deurvloei van klein hoeveelhede sappige plantmateriaal deur die dermkanaal is in sulke omstandighede nadelig vir herkouers.”
Hy sê voerkorrels is ’n goeie, hoewel betreklik duur voerbron. Wanneer sulke korrels voluit gevoer word, is dit meestal ’n volledige rantsoen. As duur voerkorrels as ’n aanvullende voerbron in droogte gebruik word, moet die vee egter gerantsoeneer word.
“Dit is nie nodig om diere voluit te voer vir oorlewing nie. Stel in sulke toestande bykomende laegraadse ruvoer aan die vee beskikbaar.
“Onthou, die goeie ruvoer word in die fabriek betreklik fyn gemaal om die voerkorrels te vorm. Die fyner ruvoer beteken diere hoef minder te herkou en gevolglik is die spoed waarteen die voerkorrels deur die grootpens en dermkanaal beweeg aansienlik vinniger. Die gevolg is dat die benutting van die voer ook ondoeltreffender is omdat die vesel korter aan vertering – fermentasie deur mikrobes in die grootpens – blootgestel word,” sê hy. ac.za; 083 645 8958. deWaalHO@ufs.