HENDRIK VAN PLETZEN
Mnr. Hendrik van Pletzen is tegniese bestuurder van Voermol. Doen dieselfde met patryse as wat ’n mens met tarentale sou doen.
Kry “Broiler starter”-krummels en voeg ’n paar termiete en hardgekookte eier by. Die beweging trek die kuiken se aandag en hy sal dan hopelik begin vreet.
Of kry ’n gebuigde pinset en maak die gepik van die hen na. Klop liggies teen iets. Die kuiken se aandag sal dan getrek word en hy sal na jou toe hardloop. Dan wys jy hom met die punt van die pinset wat om te eet.
Hardgekookte eier is wonderlike voedsel, maar kook die eier vir sowat 20 minute om die kieme dood te maak. Gee altyd vars eier – dit kan ongeveer vyf dae in die yskas hou.
’n Paar hoenderkuikens (verkieslik kapokkies) saam met die patrysie sal ook help om die patrysie groot te kry – die hoenders wys die patrys hoe en wat om te eet.
Begin om fyn saadjies, soos veldgras of rooi of geel manna, ná die eerste week by die krummels voeg. Dit is nie noodsaaklik nie, maar dit maak die voer interessant vir die patrys.
Dit is belangrik om die patrys warm te hou. Gebruik ’n gewone gloeilampie van ongeveer 40 watt en hang dit bo die kassie waarin die patrys is. Maak net seker die patrys kan homself nie brand nie.
Ek het al self heelparty patrys- en tarentaalkuikens met dié metodes grootgemaak. Dr. Joop Boomker is ’n parasitoloog aan die Universiteit van Pretoria. * * Soek jy ’n antwoord? Landbou.com. Indeks van antwoorde
Wil jy graag ’n vraag vra? Kundiges Landbou.com. Vra ’n vraag.