WATERKRIPPILLE: WONDERMIDDEL OF NIE?
Ongeregistreerde veemiddels hou ’n groot gevaar in vir die veebedryf, maar hulpbronne kan verlore gaan as doeltreffende middels nie geregistreer is en dus nie versprei mag word nie.
Dié waterkrip-doseringstablette is in die spervuur omdat dit nie ingevolge Wet 36 geregistreer is nie. om diere te doseer nie. Ek meen ook dit sal nie ingevolge Wet 36 van 1947 geregistreer kan word nie,” sê hy.
TOETSE IS PEPERDUUR
Dr. Kobus Pretorius, veearts van Gauteng, meen egter dat die Eko Waterkripdosering wel in ’n mate doeltreffend kan wees. “At (Venter) het vir my mismonsters gestuur van ’n trop skape voordat hy hulle met sy produk gedoseer het. Daarna het hy nog ’n monster gestuur en daar was ’n waarneembare afname in die voorkoms van parasiete in die mis. Die proef is egter nie wetenskaplik gedoen nie en dit is daarom moeilik om die doeltreffendheid van die middel te bewys. Die ideale situasie sal wees as hierdie produk deur ’n geloofwaardige, wetenskaplike proses getoets word en dit dan te registreer,” sê Pretorius.
Só ’n toets is nie goedkoop nie. ’n Groot farmaseutiese maatskappy, wat nie sy naam genoem wil hê nie en wat tans besig is met die toetsing van ’n nuwe entstof, het aan Landbouweekblad bevestig dat die koste van toetse vir middels slegs vir bosluise tot R800 000 kan beloop. Indien daar vir dosering teen ander kwale en parasiete getoets moet word, sal dit nóg meer kos. ’n Nuwe produk moet ook in die veld getoets word om ’n onthoudingstydperk te bepaal en voedselveiligheid te verseker, het die bron gesê.
Venter sê heelwat navorsing is in Amerika oor die aktiewe bestanddeel asemannan, ’n plantekstrak afkomstig van aalwyne, gedoen. “Dit is ’n plantekstrak en is uiters doeltreffend om enige bloedsuiende parasiete te laat vrek. Die hoë koste om ’n produk in Suid-Afrika te laat toets, is die rede waarom daar nie nuwe, onafhanklike vervaardigers se produkte verskyn nie – dit is bloot onmoontlik om die goed getoets te kry,” sê Venter.
GROOT GEVAAR VIR GANSE BEDRYF
Die feit dat produkte, soos die Eko Waterkripdosering, in ’n mate doeltreffend is, is vir al die veeartse metwie Landbouweekblad gesels het, ’n groot bekommernis. “As die produkte glad nie ’n uitwerking op parasiete het nie, dan is daar geen risiko nie, afgesien daarvan dat die boer sy geld mors. Dit is wanneer die produkte net ’n mate van doeltreffendheid het dat die hare op ons nekke begin rys, want dit kan meebring dat diere weerstandigheid teen sekere middels ontwikkel wat die bedryf in groot gevaar plaas. ’n Probleem met Eko Waterkripdosering is dat die dosering nie beheer kan word nie. Die dosering word in die water opgelos en verwater met tyd, wat die ideale situasie is vir die opbou van weerstandigheid in parasiete,” sê Hansen.
’N WONDERMIDDEL VIR SOMMIGE
Cronjé sê egter dat die produk uiters goed werk in al sy kuddes en hom baie geld bespaar.
“As hierdie produk geskrap word, sal ek genoeg voorraad koop om vir my vir die volgende 15 jaar te hou.
“Net op my swartwitpense bespaar ek R200 000 per jaar en ek bespaar miljoene rande aan versekering. AnimalSure het my premie van 6% op versekerde waarde tot slegs 1% op versekerde waarde verminder omdat my diere gesond en sonder parasiete is.
“Ek gebruik die Eko Waterkripdosering vier weke aanmekaar en slaan dan twaalf weke oor om te verseker dat daar steeds ’n natuurlike weerstand teen parasiete in my kuddes opgebou word. Ek het voorheen farmaseutiese middels gebruik, maar vir die afgelope twee jaar gebruik ek niks meer daarvan nie en ek het nog nie ’n enkele dier verloor nie,” het Cronjé aan Landbouweekblad gesê.