Rovic lewer bydrae tot landbounavorsing
DIE WesKaapse departement van landbou is ’n Kuhn Neoskyfplanter ryker. Terwyl die planter voorheen by die landbouwerktuigvervaardiger Rovic Leers geleen is, het dié maatskappy dit nou aan die departement geskenk vir navorsingsdoeleindes.
Die planter sal die departement help om voort te bou op die navorsing van hoë gehalte wat plaaslik gedoen word, sê dr. Johann Strauss, wetenskaplike vir volhoubare gewasverbouingstelsels en bewaringslandbou in die direktoraat plantwetenskap by die WesKaapse departement van landbou.
NAVORSING
Strauss is tans besig met die derde stel proewe in ’n 12jaartydperk oor verskillende plant en boerderytegnieke vir bewaringsboerdery. Dit behels wisselbouproewe.
Hy het drie jaar gelede die gebruik van ’n skyfplanter as voorwaarde vir die voortsetting van die proef gestel.
Talle kleingraanboere in die winterreëngebied gebruik tandplanters, al meen kenners hulle kan die voordele van bewarings boerdery gouer sien as hulle skyfplanters gebruik.
Strauss sê dit is ongelooflik om te sien hoe doeltreffend die Kuhn tussen die klippe werk.
“Ons hele wisselbouproef op Riversdal word daarmee geplant,” sê Strauss.
Hy sê die departement se doel is om navorsing te doen en sodoende voor boere te wees sodat hulle die boere kan raad gee oor hul boerdery.
“Die planter help ons dus regtig baie,” sê Strauss. “Ons het ons nog altyd op die gehalte van ons navorsing en die tersaaklikheid daarvan geroem en dié skenking help ons om dit op daardie vlak te hou.”
Rovic Leers het oorspronklik ’n ooreenkoms met die departement gehad om 15 jaar lank ’n Kuhnskyfplanter vir proewe te leen. Intussen is besluit om die planter aan die departement te skenk. Die doelwit is om die planter nog 12 jaar lank op Riversdal en verskeie ander proefpersele te gebruik.
Die grootste voordeel van ’n skyfplanter is dat dit makliker kalibreer as die ou tandplanters en dat die saad en kunsmisbakke
maklik skoongemaak kan word. Dit verg dus minder tyd om gewasse en kunsmis om te ruil. Die grootste voordeel is sekerlik dat die skyfplanter deur ’n groot hoeveelheid materiaal kan plant.
Mnr. Marius Ras, hoof van bemarking by Rovic Leers, het op die oorhandiging gesê sy maatskappy is verbind tot steun aan die boeregemeenskap met onder meer sy betrokkenheid by onafhanklike navorsing oor doeltreffender boerderytegnieke.
Rovic Leers het die WesKaapse departement van landbou bedank vir die bydrae tot voedselproduksie en sekerheid wat deur sy navorsing gelewer word.
SPESIFIKASIES
Mnr. Dewald van Dyk, takbestuurder van Rovic Leers in Kaapstad, sê die deursnee van die skywe wat in die proewe gebruik word, is 14 duim (355 cm). Dit is ’n 13ryplanter wat 2,21 m wyd werk – dalk te smal vir ’n boer wat honderde hektare moet plant, maar ideaal vir die departement se proewe. Die 13ryplanter se kleinhandelsprys is R717 117 (BTW ingesluit) en die wyer modelle is duurder. In die Neoreeks is ook planters met rye skywe van 11, 15, 17, 19 en 21 beskikbaar. In die Kuhn SDEreeks is skyfplanters wat tot 4,5 m wyd werk en 27 rye skywe het, beskikbaar.