DIÉ WEEK IN DIE LANDBOU
MEER SKIETGOED
Sedert inspeksies op varsproduktemarkte ingestel is, het die Landbouprodukte-agenteraad (Apac) nou meer data tot sy beskikking om op klagtes te reageer en probleme op te los. “Met die Prokon-inspeksieverslae is daar nou bewyse van die gehalte van produkte en kan dispute dus makliker en akkurater opgelos word,” sê me. Lizel Pretorius, Apac se registrateur. “Terwyl ons voorheen nie bewyse gehad het as ’n produk van goeie gehalte swak gehanteer is deur ’n agent nie, het ons dit nou. En indien ’n agent vals beskuldig word, het ons daardie bewyse ook. ”
MYN-GEHEIM SKOK VAATJIE VAN SEMENT
Mnr. JD Pretorius, keldermeester van Steenberg Vineyards in die Constantia-gebied, het vanjaar twee nuwelinge in die kelder verwelkom — me. Mahalia Kotjane, ’n protégé van die Kaapse Wynmakersgilde, en Ernie, die kelder se eerste eiervormige gistingstenk van beton. Die Eon-tenk is ’n Suid-Afrikaanse uitvinding en laat lug binne tydens die gistingsproses — nes klassieke houtvate. Pretorius sê die wyn bly langer met die gismoer in kontak en beskerm die delikate geurprofiel van hul koelklimaatdruiwe. Kotjane, van Vosloosrus, is in 2015 in die Protégé-program opgeneem. Sy wil een van die land se voorste wynmakers word. keuring van ’n steenkoolmyn in die Mabola-bewaringsgebied noord van Wakkerstroom in die hof teen te staan. Luidens ’n brief wat die Wêreldnatuurfonds (WWF) bekom het, het Molewa saam met mnr. Mosebenzi Zwane, Minister van Minerale Hulpbronne, amptelik ingestem dat Atha-Africa Ventures, ’n Indiese maatskappy, daar ondergronds vir steenkool kan myn. Tog was daar nog geen openbare aankondiging oor die besluit nie. Die gebied is ’n strategiese waterbron vir menslike en landbougebruik.
VAT 40, ESKOM
Sakelui in die Lekwa-munisipaliteit (Standerton) staan bankvas agter die pluimveeprodusent Astral in sy hofsaak teen Eskom. Meer as 40 ondernemings daar het verklarings ter ondersteuning van Astral se interdik teen die kragverskaffer ingedien. Eskom wou Lekwa se krag al middel Januarie afsny weens die munisipaliteit se wanbetaling. Dit sou produksie by Astral se Goldi-en Meadow Feeds-aanleg in die gedrang bring. Nadat Astral met regstappe begin het, het Eskom dié stap tot 28 Februarie uitgestel. Die saak word op 21 en 22 Februarie in die Hooggeregshof in Pretoria aangehoor. Astral en Cofco se sojaen saadverwerkingsaanleg op Standerton gebruik saam 60% van Lekwa se elektrisiteit.
MÖLLER MAAK ’N PLAN
Mnr. Johannes Möller, voorsitter van Agri SA, het verlede week hulp beding vir saaiboere in die Bultfontein-omgewing nadat herfs-kommandowurms in hul lande opgemerk is. Baie van dié boere kon weens die droogte nie verlede seisoen plant nie, en hulle het dié somer vir die eerste keer in twee jaar weer mielies op die land. Een boer het aan Landbouweekblad gesê hy het eenvoudig nie geld vir plaagdoders nie. Nadat Landbouweekblad hom daaroor genader het, het Möller laat weet hy was in verbinding met Bultfonteinse landboubesighede wat aangedui het hulle is gewillig om boere met chemikalieë te help. “Die hulp sal waarskynlik in die vorm van verlengde produksiekrediet wees, maar dit sal boere beslis help,” het hy gesê.
TOEKA SE APPELS
hekke van sy erfenisboord op die Oak Valley-landgoed by Grabouw oop sodat lede van die publiek kan sien hoe lyk en proe appelkultivars wat nie meer kommersieel verbou word nie, soos die Reinette du Canada (links). Mnre. Henk Griessel, bestuurder vir gehaltebeheer by die maatskappy, en Buks Nel, nuwekultivar-kundige, sal die toer deur die boord lei. Die doel van die boord is om teelmateriaal van dié ouer kultivars te bewaar. Die toer is gratis, maar daar is net plek vir 30 mense. Besoek goo.gl/ Q4n61N om kaartjies te bespreek. LOBESIA-LOLLERY Druiweboere is bekommerd dat die inheemse Lobesia -mot( onder) wat verlede jaar groot skade aan wingerde by Robertson veroorsaak het, na die Hexriviervallei kan versprei, waar dit tafeldruiwe kan aanval. Volgens dr. Jeanne de Waal van Philagro is min nog bekend oor Lobesia vanilliana en is daar tans geen plaagdoders plaaslik daarvoor geregistreer nie. Wynboere het vanjaar ook groot las van valskodlingmot en wingerdbladmyner. De Waal sê die insekdruk is te wyte aan meer gematigde winters, wat veroorsaak dat plaaginsekte deur die winter aanhou teel.