13,9 MILJOEN TON MIELIES OP PAD?
AS vanjaar se eerste mielieoesskatting realiseer, sal dit SuidAfrika se naasgrootste mielieoes tot nog toe wees.
Die Nasionale Oesskattingskomitee se eerste raming dui op ’n nasionale oes van 13,918 miljoen ton – amper 80% groter as verlede jaar se droogtegeknelde oes en ook die naasgrootste tot nog toe. Die rekord tot dusver, 14,982 miljoen ton, is in 2014 van die lande gehaal.
Dié eerste amptelike raming was boonop hoër as die gemiddelde markverwagting van net oor 13 miljoen ton. Die verhoogde oesverwagting is deels weens uitgebreide aanplantings (’n beraamde 35% meer, volgens die Oesskattingskomitee), maar grootliks danksy drasties beter produksievooruitsigte as waaraan die vorige oes uitgelewer was.
Die geskatte witmielieoes is 8,313 miljoen ton, wat 144% meer as verlede jaar is. Die geskatte geelmielieoes is 5,605 miljoen ton, 28% meer as verlede jaar.
Safexpryse het dadelik gereageer. Die witmieliekontrak vir lewering in Julie het byvoor Die landbouekonoom prof. Johan Willemse is nie té bekommerd oor die daling in pryse nie.
Hy het kort voor die oesskatting daarop gewys dat daar in die 2016’17bemarkingsjaar sowat 2,75 miljoen ton mielies ingevoer gaan word teen ’n beraamde R8,25 miljard. In die 2017’18bemarkingsjaar kan sowat 2,4 miljoen ton mielies uitgevoer word teen ’n beraamde uitvoerverdienste van R5 miljard.
“Dit is ’n groot positiewe veran
dering vir die land se ekonomie en die platteland.
“Die dilemma vir mielieboere is dat die mielieprys skerp gedaal het vanaf invoerpariteitspryse vir verlede jaar se oes (gemiddeld sowat R3 200/ton) na uitvoerpariteitspryse van R2 000/ton en minder. Maar nieteenstaande die laer pryse vir mielies, is die waarde van die groter somergraanoeste sowat R6R7 miljard meer as laasjaar se geraamde R33 miljard.
“Die groter oeste, veral van mielies, met laer pryse, bring mee dat intensiewe veeboere se voerkoste in die 2017’18bemarkingsjaar met 20% tot 25% kan daal. Dit sal grootliks help om bedrywe te stabiliseer wat in die afgelope drie jaar se droogte redelik ingekrimp het,” sê Willemse.