‘KOMMERSIËLE BOERE MOET ANDER HELP’
“Suid-Afrika kan nie verwag dat nuwelingboere die mynveld van die moderne boerdery sonder die nodige opleiding en steun betree nie,” sê mnr. Nick Serfontein, voorsitter van die Sernick-groep, van die plaas Liebenbergstroom by Edenville.
Dié megaboer het pas opleidingsgeriewe vir 24 landboustudente op sy plaas voltooi as deel van sy poging om sy medeboere vanjaar te mobiliseer om hand in eie boesem te steek om nuwelinge suksesvol in die landbou te vestig.
Die opleidingsentrum is vir Nick ’n droom wat bewaarheid is en nie net leë praatjies nie. Dit bestaan uit ’n lesinglokaal en slaap- en eetgeriewe vir 24 mense. Kursusse in algemene boerderypraktyke en veeboerdery word deur die Batho Pelegroep daar aangebied, met die samewerking van die Landbousektor se Opvoeding-enopleidingsowerheid (AgriSeta).
Twee groepe van 25 mense is reeds deur Sernick opgelei. Die laaste groep het onlangs op ’n boeredag vir opkomende boere op Liebenbergstroom hul diplomas ontvang. Die groep was hoofsaaklik deur jong nuwelinge REGS: HEEL REGS: uit die omgewing bygewoon. Een het selfs van Pietermaritzburg gekom.
Volgens Nick beteken die nuwe sentrum dat opleiding nou volstoom sal voortgaan. Vroue speel veral ’n belangrike rol in die proses en is dikwels die uitblinkers. Die beste presteerder verlede jaar was ’n 60-jarige ouma.
Sernick het die sentrum op eie houtjie opgerig, maar omdat die droom van ’n eie gerief nou verwesenlik is, is die samewerking met ander instellings en ’n vennootskap met die Regering die volgende mikpunt.
Sowat 230 belangstellendes het die boeredag bygewoon, wat vir Nick ’n aanduiding is van die reusebehoefte aan landbou-inligting. Die helfte van die