Groter kwekery voorsien bome vinnig en keer siektes

Sitruskwekerye kan nie voorbly met die enorme vraag na bome nie – daarom het Cederberg Tree Nursery op Citrusdal nuwe uitbreidings aangepak en in tegnologie belê.

1

Cederberg Tree Nursery op Citrusdal het een van die eerste kwekerye in die land geword met biosekuriteitsplanne indien die dreigende Asiatiese sitrusvergroeningsiekte Suid-Afrika tref. Die planne is deel van hul nuwe, tegnologies gevorderde kweekhuise waarbinne hul produksie van 530 000 bome verlede jaar tot 850 000 bome in die 2018-’19-seisoen gaan klim.

“Dit het geld en ’n belegging in intellektuele eiendomsregte geverg om ’n klein kwekery wat skaars lewensvatbaar was, uit te brei tot ’n groot speler met nuwe stelsels en kennis. Dié kombinasie maak van ons ’n markleier,” verduidelik mnr. Scott Mckenzie, bestuurder.

Dié kommersiële kwekery lewer sowat 20 verskillende sitruskultivars en ongeveer 50 bo- en onderstamkombinasies. Die kwekery is deel van ANB Investments, wat ook sitrusplase en planttelersregte vir uitgesoekte kultivars besit. Die maatskappy is veral bekend vir die ClemenGold-handelsmerk, wat in verskeie lande beskikbaar is.

Die nuwe uitbreidings gaan die produksie-oppervlak op 8 ha te staan bring. Dit word gedryf deur die groot vraag na sitrus – spesifiek sagtesitrus, suurlemoene en sommige hardeskilkultivars. Kwekerye staan bont om boere van plantmateriaal te voorsien, maar steeds is die meeste bestelboeke propvol vir die volgende jaar of twee. “Ons doel is dus om meer bome vinniger verkoopgereed te kry,” vertel me. Trish Willemse, produksiebestuurder.

Hulle kon reeds ses maande van die produksieproses skaaf. Tradisioneel neem dit sowat 24 maande om ’n sitrusboom te kweek totdat dit op die plaas uitgeplant kan word, maar die kwekery kan dit nou al binne 16 tot 18 maande doen. Dit is die vinnigste in die Wes-Kaap en kop aan kop met die warmer produksiestreke.

WAGLYS TOT 2019 VIR SITRUSBOME

Die mark is tans die beste wat dit nóg vir die kwekerybedryf was, meen Scott. 3 PLAASINLIGTING KORTOM ■ ■ ■

“Ons sitrusbome is tot 2019 bespreek.” Die vraag is danksy groot uitbreidings en boere wat hul tradisionele gewasse, soos wingerd en steenvrugte, met sitrus vervang. Daar is ook sitrusboere wat van tradisionele kultivars na vernuwende sagtesitruskultivars met beter