Knelpunte in beesbedryf bekyk

Reis van Clarens en Marquard in die OosVrystaat tot by Mareetsane in Noordwes vir ’n blik op die beesbedryf. Dié episode is op Woensdag 15 Maart om 17:30 op kykNET.

Beesboere het in die afgelope paar jaar swaar getrek om die droogte te oorleef. Kuddegetalle is drasties verminder en weidings is nog in ’n herstelfase. Hoe raak dit die verbruiker en die volhoubaarheid van vleisproduksie in die land?

Kyk wat sê die bedryf oor dié sake en die aksieplanne wat nou nodig is om beesvleisproduksie weer op dreef te kry. Die ateljeegas, dr. Michael Bradfield, hoof van Breedplan, gesels oor hoe die bedryf besig is om homself te verbeter. Die beskikbaarheid, prys, gehalte en voedingswaarde van beesvleis word bespreek.

Die Nasie in Gesprek-span kuier ook in die Bosveld by mnr. Eric van Wyk op sy plaas naby Mareetsane om meer te hoor van die moeilike én goeie tye wat rooivleisprodusente en hul werknemers die afgelope paar jaar beleef het.

Die rol van voerkrale, slagplase en vleisverwerkingsaanlegte is ook in die soeklig. Kyk saam na die bedrywighede van Sparta Beef op Marquard en wat hy doen om volhoubare beesvleisproduksie te verseker.

Chris Burgess, redakteur van Landbouweekblad, bied in elke episode sy perspektief oor belangrike sake in die verskillende landboubedrywe.

BORGE

Nasie in Gesprek word moontlik gemaak deur Senwes en die medeborge, Monsanto, Afgri, Nedbank, Hinterland, NWK en Imperial Isuzu. Landbouweekblad is die mediavennoot. Wees op die uitkyk vir die kennisgewing oor die SMS-kompetisie tydens elke uitsending. Een gelukkige deelnemer kan elke week ’n John Deere-geskenkpak ter waarde van R2 500 wen! Besoek

vir nog besonderhede. Volg die gesprek op die Nation in Conversation-slimfoontoepassing. Dit is gratis op Google Play en die AppStore beskikbaar.

Alle episodes is ná die eerste uitsending op YouTube te sien. Praat saam op Twitter by

of op Facebook op die “Nation in Conversation”-blad.