Kyk van ver af na jou besproeiing
Lindsay Africa bied pasgemaakte waterbestuursoplossings vir besproeiingslande. Met slimfoontegnologie en ’n universele beheerpaneel is dit nou makliker om spilpunte presies te bestuur.
Boere wêreldwyd maak staat op Lindsay se produkte om waarde toe te voeg, risiko te verminder en die volle voordeel uit elke groeityd te put. ’n Reeks dienste en produkte is beskikbaar wat maklik by verskillende soorte gewasverbouing inskakel. Dit sluit in waterpompe, filtrering, spilpunte en beheermeganismes met GPS-posisionering. Die bekende Zimmatic-besproeiingstelsel, FieldNET-tegnologie en betreklik nuwe Pivot Control-beheerpaneel is daarby ingesluit.
As jy jou selfoon of tablet met die FieldNET-toepassing daarop by jou het, kan jy enige tyd, ongeag waar jy is, ’n ogie oor jou besproeiingslande hou.
FieldNET, deur Lindsay, is die bedryf se eerste koordlose netwerk wat die hele besproeiingstelsel kan moniteer en beheer. Só kan jy byvoorbeeld die status en posisie van elke spilpunt nagaan, jou spilpunt aan- en afskakel, van rigting laat verander en programmeer met spesifieke gewasse in gedagte. Jy kan verskeie programme op Fieldnet hou vir verskillende gewasse en seisoene. Dit stuur ook waarskuwings uit as iets skeefloop.
SPILPUNTBEHEER
Talle boere verbou meer as een gewas op verskillende besproeiingslande op een of meer plase. Dikwels is daar verskillende soorte spilpuntbeheerstelsels wat elkeen sy eie beheerpaneel het. Om verwarring en foute te voorkom, bied Lindsay se FieldNET Pivot Control ’n gebruikersvriendelike, universele platform wat bykans enige ander soort elektriese spilpuntbeheerpaneel kan aanvul.
Die FieldNET Pivot Control het besliste voordele: Dit is maklik om te gebruik, bespaar tyd en verminder foute en opleidingsvereistes. Dit gee ten volle beheer oor spilpunte, pompe, boorgate en toedieners. Dit moniteer druk, vloei, temperatuursensors en reënval. Die dataterugvoer maak besluitneming makliker. Dit optimaliseer water- en energieverbruik met ’n veranderlike besproeiingskoers. Anders as ander afstandbeheerde kontroleprodukte wat aan die einde van die spilpunt gemonteer is, word Pivot Control by die spilpunt se middelpunt gemonteer. Dit bied meer funksies en groter buigsaamheid wat aanpas by die boer se besproeiingsbehoeftes.
Die stelsel kan op byna enige bestaande spilpunt op die elektriese beheerpanele van ander vervaardigers geïnstalleer word.
Met FieldNET Pivot Control se wisselbare besproeiingskoerstegnologie, oftewel variable rate HEEL BO: INLAS: BO: irrigation (VRI), bied dit tot 360 verskillende verstellings na gelang van die landery se behoefte. Die aanbevelings van landboukundiges of besproeiingsadviseurs kan derhalwe noukeurig toegedien word, pasgemaak vir elke land.
VRI-besproeiing gebruik net die regte hoeveelheid water en chemikalieë vir elke meter van die landery. Hierdie presiese toediening laat jou toe om ’n besproeiingsoplossing vir jou spesifieke topografie, grondsoort en gewas te identifiseer, wat produksie maksimaliseer en insetkoste verminder.
Met die FieldNET-slimfoontoepassing is dit moontlik om water- en kunsmistoediening deurlopend na te gaan en verslae op te stel.
Dié inligting kan van groot nut wees by toekomsbeplanning en die opstel van begrotings. Kyk gerus wat Amerikaanse boere dink van die FieldNET Pivot Control op die YouTubevideo by die skakel
Of kry op die webwerf
nog inligting oor besproeiing, waterfiltrering en waterpompbeheer.
Onderdele van topgehalte en Lindsay se naverkopediens maak seker dat jy solank as wat jy die besproeiingstelsel gebruik, vinnig kan kry wat jy nodig het om jou stelsel jaar ná jaar aan die gang te hou. Sentrums van waar onderdele na jou plaaslike handelaar versprei word, maak staantyd minder en onderhoud maklik. www.myfieldnet.com; 021 986 8900.