Kies die beste batterye só
Groot boerderye gebruik ál meer sonkrag om verskillende bedrywighede op die plaas aan die gang te hou. Daarvoor is die regte batterye nodig vir ’n doeltreffende stelsel.
Die ontwerp van ’n sonkragstelsel wat nie deel van Eskom se kragtoevoer is nie, is ’n gespesialiseerde taak. Batterye is gewoonlik die duurste onderdeel en dui ook eerste die simptome aan van ’n stelsel wat nie reg ontwerp is nie.
Batterye se waarde word bepaal deur die koste van die laaien-ontlaai-siklus en die verwagte gebruiksduur van die battery.
105AH12VDIEPSIKLUSBATTERY
Battery se prys: R1 500 Die hoeveelheid energie (Wh) wat die battery kan opberg: 105 Ah x 12 V = 1 260 Wh GRAFIEK 1 dui aan hoe diep die battery moet ontlaai vir die verlangde gebruikstyd.
Die meeste loodsuurbatterye moenie verder as 50% ontlaai nie. Teen 50% ontlading behoort die battery ongeveer 440 siklusse te lewer. Dit beteken as 50% van die 1 260 Wh (totale energie) ontlaai word, is 630 Wh vir gebruik beskikbaar. Die battery kan 630 Wh 440 keer ontlaai en weer laai. Enige verliese is eers buite rekening gelaat vir die doel van die vergelyking.
630 Wh x 440 = 277 200 Wh of 277 kWh wat die battery gelaai en ontlaai kan word. Koste: R1 500 ÷ 277 kWh =
(dit is die koste om 1 kWh te laai en te ontlaai).
850 AH 2V AGMDIEPSIKLUSBATTERY
AGM- en jelbatterye van dieselfde gehalte het gewoonlik vergelykbare grafieke. Battery se prys: R3 000 Energie: 850 Ah x 2 V = 1 700 Wh Teen 50% ontlaai, behoort die battery ongeveer 1 000 siklusse te lewer. Dus, as 50% van die 1 700 Wh (totale energie) ontlaai, is 850 Wh beskikbaar. Dit kan dus 850 Wh duisend keer laai en ontlaai (sien GRAFIEK 2 ).
850 Wh x 1 000 keer = 850 000 Wh of 850 kWh wat gelaai en ontlaai kan word in die battery se gebruikstyd.
Koste: R3 000 ÷ 850 kWh =
LITIUM-IOON-BATTERY
Battery se prys: R65 000 Energie = 6 400 Wh (gegewe waarde van vervaardiger) 6,4 kWh word gespesifiseer vir tien jaar 6,4 kWh x 3 650 siklusse = 23 360 kWh wat gelaai en ontlaai kan word in die battery se gebruikstyd.
Koste: R65 000 ÷ 23 360 kWh =
SOUTWATERBATTERY
Battery se prys: R17 500 Energie = 2 200 Wh (gegewe waarde van vervaardiger) Die spesifikasie is 3 000 siklusse teen 100% ontlading 2,2 kWh x 3 000 siklusse = 6 600 kWh wat gelaai en ontlaai kan word in die battery se gebruikstyd.
Koste: R17 500 ÷ 6 600 kWh =
GEVOLGTREKKING
Die soutwaterbattery presteer die beste. Gebruik dié metode om enige batterye vir sonkrag- GRAFIEK 1: 105 AH 12 V-DIEPSIKLUSBATTERY toepassings te vergelyk. Ander faktore om te oorweeg: Die nagevolge van temperatuur op die battery se gebruikstyd. Die spesifikasies van die meeste loodsuurbatterye is gegrond op 25 ˚C. Die battery se gebruikstyd wyk gewoonlik drasties af wanneer die battery gereeld in temperature van meer as 30 ˚C werk. Die gebruikstyd van soutwaterbatterye word teen 40 ˚C gespesifiseer. Die tempo waarteen batterye gelaai en ontlaai word, beïnvloed batterye verskillend. Verstaan die C-waarde van die battery om batterye regverdig met mekaar te vergelyk. Bepaal hoe batterye se gebruikstyd beïnvloed word wanneer hulle net gedeeltelik vol gelaai is, soos wat gereeld in sonkragtoepassings gebeur. Gaan veiligheidsaspekte en die omgewingsvriendelikheid van batterye na.
Dr. Philip Olivier is verbonde aan Olivia-energie-oplossings. info@oliviaenergy.co.za; 051 412 6341.