Noukeurige bestuur en presisieboerdery vereis praktiese tegnologie. Daarom gebruik die Delaire Graff-wynlandgoed FarmTrack.
Die Delaire Graff-wynlandgoed naby Stellenbosch gebruik sy eie druiwe sowel as druiwe van uitgesoekte wingerde in die omgewing om wyn te maak. Mnr. Kallie Fernhout, wingerdboukundige en landgoedbestuurder, hou ’n oog oor dié bekende bestemming vir wyn- en kunsliefhebbers.
Kallie het ’n doeltreffende tegnologie-oplossing gesoek om hom te help met die daaglikse bestuur op dié wynplaas wat met vele eerbewyse in die trofeëkas spog. Die FarmTrack-stelsel is veral nuttig omdat Kallie se verantwoordelikhede wyer strek as net Delaire Graff. Hy moet ook ander plase se wingerde besoek om die regte druiwe uit te soek.
“Ons het baie wingerde en daarom was dit belangrik om ’n doeltreffende GPS-moniteringstoestel, soos FarmTrack, te kies. Ek moet onder meer seker maak al ons wingerde word reg bespuit en dat die kalibrering tydens toediening korrek is,” sê Kallie.
In sy soektog het Kallie kennis gemaak met InteliGro, die plaaslike verspreider van die FarmTrack-stelsel.
Aanvanklik het hy net twee trekkers vir twee seisoene met die stelsel toegerus. Kallie kon dadelik presies sien wat die situasie is in elke blok van die verskillende wingerde waar dié twee trekkers gewerk het.
Met FarmTrack kon hy boonop die trekker en spuitkar se spoed monitor én die tyd wat dit in die wingerde deurbring. Hulle kan nou akkurater bestuursverslae opstel en beplanning, kostebesparing, produktiwiteit en die praktiese boerderytake, soos spuitprogramme, beter bestuur.
“Danksy FarmTrack is ons gewasbespuiting nou doeltreffender as vroeër. Ons sien ook ’n verbetering in die gehalte en volume van ons oes,” sê Kallie.
“Ons is baie tevrede met die FarmTrack-stelsel. Dit is gebruikersvriendelik en bespaar werklik koste. Ek wil nooit weer daarsonder boer nie. Ek beveel FarmTrack aan vir enige wynplaas wat sy doeltreffendheid in die wingerd wil verbeter.” farmtrack.co.za, www. 021 880 1163.