AgriCAD is ’n huishoudelike naam in die landboubedryf en dit is welverdiend só.
Danksy betroubaarheid, gehalte en dienslewering is werktuie in die AgriCAD-stal gewild onder boere. Goeie buitelandse en plaaslike verkope en tevrede klante bevestig dat AgriCAD se span dinge reg doen.
“Boere beskou hul werktuie eerder as ’n belegging as ’n uitgawe. Betroubaarheid en diens is ook belangrik omdat onvoorsiene onderhoud en herstelwerk tydrowend en duur is,” sê mnr. Eddie Neuhoff van AgriCAD.
“Ons werktuie is tegnologies en ergonomies korrek ontwerp deur meganiese ingenieurs en tegniese tekenaars. Tydens vervaardiging lê ons klem op akkuraatheid en gehalte.”
Danksy finale gehaltetoetse voldoen die werktuig voor aflewering aan die hoogste vereistes. Naverkopediens en tevrede klante is net so belangrik.
PRODUKREEKS
AgriCAD se tapkarre bied bekostigbare graanhanteringsoplossings. Die graantapkar is beskikbaar in verskeie groottes, maar die gewildste in die reeks is die TF240 (24 000 liter houvermoë; 20 ton vrag). Ander modelle is die TF160 (16 000 liter houvermoë; 13 ton vrag) en die effens groter TF165. Praktiese voordele is: Vervangbare sweissamestellings; 3 meter wye bak om intap in die ry te vergemaklik; 5 ton per minuut uittapvermoë; Hidrouliese sluis om uitgooi in ’n put te vergemaklik; Standaard-uittaphoogte van 4,2 meter; Wye flotasiebande om verdigting te verminder; Ligkas en chevronplaat vir sigbaarheid; Gemonteerde spreilig om werk snags te vergemaklik; en Standaardtoerolseil om die vrag teen die elemente te beskerm. 082 607 3470; 078 095 7974; 076 982 1685; www.agricad.co.za, 086 1001 204.