Werk maklik met beeste!
Duisende boere en veeartse wêreldwyd gebruik Rau se rektale immobiliseerder. Hulle is vol lof vir die produk se doeltreffendheid.
In die baie jare dat hy met beeste werk, het hy talle immobiliseerders getoets en gebruik. Maar nie een is so maklik om te gebruik, so doeltreffend, veilig en stewig soos die Rau- rektale immobiliseerder nie, sê dr. Piet van Zyl, ’n veearts op Heilbron.
Dr. H. Muller, ’n veearts op Bergville, sê: “Vandat ek die Rau-immobiliseerder gekoop het, het talle van die frustrasies om ’n groot dier te beteuel, weggeval. Ook as jy die voelpen van die immobiliseerder na die een kant van die rektum mik, sal die dier daardie agterbeen oplig. Dit is dus ideaal om aan die kloue te werk.
“Ek het ongeveer 70 bulle se skedeskrapings binne twee uur gedoen. Dit is ook nou vinniger om diere te bemark, te onthoring en om speenkalwers te kastreer – selfs op plase met swak kraalgeriewe of infrastruktuur.”
Navorsing deur voortplantingfisioloë van die McNeese-staatsuniversiteit in Amerika toon dat daar geen newe-effekte is wanneer die Rau-immobiliseerder by diere gebruik word nie.
Mnr. Warren Calvert van Riverton in Nieu-Seeland sê: “Die Rau-immobiliseerder is ’n groot hulpmiddel om melkkoeie doeltreffend uit te melk, mastitis te bestry en spanning by mens en dier in die stal te verminder. Met melkkoors werk die behandeling ook beter wanneer die immobiliseerder gebruik word omdat bloedsirkulasie beter en die dier kalmer is.”
’n Boer van Nieu-Mexiko in Amerika sê prosedures word in ’n rekordtyd gedoen sonder beserings aan die operateur of dier.
Mnr. Johan Bester van Bloemfontein gebruik die Rau-immobiliseerder al langer as 12 jaar.
Hy sê: “Die maatskappy se diens is puik. As my Rau-immobiliseerder ’n probleem ontwikkel, word dit herstel en binne dae aan my teruggestuur.”