Siektes in die spoor gestuit
Die ontwikkeling van middels, soos Ceriax® van BASF, is vir koringen garsboere ’n welkome hulp teen vernietigende swamsiektes.
Ceriax® bied as sistemiese swamdoder ’n breëspektrumteenvoeter teen die algemeenste kleingraansiektes, soos Septoria, roessiektes, netvlek, Rhynchosporium en poeieragtige meeldou.
Die belangrikheid van goeie navorsing en die ontwikkeling van middels, soos Ceriax®, is beklemtoon tydens ’n besoek van Landbouweekblad aan BASF se hoofnavorsingsperseel in Duitsland.
Mnr. Markus Heldt, voorsitter van BASF se gewasbeskermingsafdeling in Limburgerhof, Duitsland, het gesê die maatskappy verstaan die boer se probleme en behoeftes.
“Die boer is BASF se belangrikste vennoot. Hy is die middelpunt van die maatskappy se landbouaktiwiteite.”
Ceriax® is een van die nuwe middels wat omvattende produksievoordele en siektebekamping by kleingrane verseker. Die mid del bevat die jongste aktiewe bestanddeel in swamdoders, naamlik xemium®. Dit is ’n aktiewe bestanddeel wat deel uitmaak van die karboksamiedeklas (SDHI) en gee aan xemium® sy buitengewone eienskappe.
Xemium® bekamp die teikenswam tydens alle ontwikkelingsfases. Dit beskerm die plant van binne en buite en kan ook swambesmettings wat weefsellae binnedring, bykom. Spoorvorming en die reproduksie van swamme word gestuit en só word verdere besmettings en die verspreiding van swamme gekeer.
Die goeie wateroplosbaarheid van die aktiewe middel lei tot die sistemiese verspreiding in vaatbondels sowel as goeie verspreiding in selle.
Die werk wat BASF se tegniese personeel en navorsers agter die skerms doen, bied onder meer die vernuwende “stick and stay”formulasie vir uitstekende reënvastheid en verhoogde biobeskikbaarheid. Dié formula sietegnologie keer dat reën of besproeiingswater Ceriax® afwas, met die gevolg dat langdurige beskerming op die plant bly.
BELEGGING
Die voordele van Ceriax® is veelvuldig en verseker ’n verhoging in die normale opbrengs, selfs al is daar siektedruk. Dit help ook om beter graanvulling en graangehalte te verseker. Met ’n groter oes van uitstekende gehalte, is die wins op belegging ook groter. Voordele sluit in: Beskerming teen swamsiektes, soos netvlek en blaarvlek by gars; Beskerming teen bruinroes, vaalblaar, poeieragtige meel dou en bruinaarsiekte by koring; Verhoogde graanvul; Groter groenblaaroppervlak; Verlaagde etileen; Beter halmstabiliteit; Beter stikstofopname; en Doeltreffender waterverbruik.
REGISTRASIE
Ceriax® (reg.nr. L9801, Wet 36 van 1947) is ’n geregistreerde handelsmerk van BASF.
Die aktiewe bestanddele is xemium® (41,6 g/liter), F500® (66,6 g/liter) en epoksikonasool (41,6 g/liter).