Laat die bewyse praat
Die Arysta ProNutiva®-konsep is ’n gedifferensieerde, tegniese en bemarkingsbenadering met ’n spesifieke klem op bewese wetenskaplike voordele vir die boer.
Arysta LifeScience Suid-Afrika verseker dat die eise van verbeterde opbrengs en opbrengsgehalte gerugsteun word deur geloofwaardige navorsing en kommersiële data.
Die Arysta ProNutiva®-spuitprogram is ’n geïntegreerde, gewasspesifieke program wat gewasbeskerming, biostimulante en vernuwende plantvoedingprodukte insluit om die volle potensiaal van elke gewas te ontsluit. Vir elke kritieke stadium van die plant se ontwikkeling is ’n spesifieke kombinasie van opneembare voedingstowwe, sintetiese planthormone en aminosure ontwikkel, geregistreer en onder die Arysta ProNutiva®naam bemark.
SINERGIEË
In wese sluit die ProNutiva®konsep ook die sinergieë in wat voortspruit uit die gebruik van vernuwende oplossings vir gewasbeskerming en fisio-aktivering in ’n bepaalde reeks spuit- of tenkmengsels.
Die sinergieë, wat die doeltreffendheid van chemiese oplossings betref, maar ook die algemene plantgesondheid, lei uiteindelik tot ’n beter opbrengs vir die boer. Dié sinergie word die “ProNutiva®-effek” genoem.
Saam met hierdie strategie van vernuwing en pasgemaakte oplossings het Arysta LifeScience Suid-Afrika ’n vennootskap met Stoller Suid-Afrika gesluit om kliënte te voorsien van die beste volhoubare biologiese op- lossings. Stoller, ’n internasionale maatskappy, is een van die wêreldleiers in plantgesondheid en plantvoeding. Stoller se produkte is ontwerp om die krag van die gewas te ontsluit. Dit stel die plant in staat om stres te oorkom, doeltreffender te funksioneer en om sy optimale potensiaal te bereik.
Arysta LifeScience het hierdie gevorderde reeks produkte in sy portefeulje vir alle rygewasse opgeneem.
RESULTATE
Indrukwekkende resultate is reeds in die vorige seisoene met koring behaal. Stoller se BioForge® (reg.nr. B 4671, Wet 36 van 1947) en CoMo Platinum™ (reg.nr. B 5196) word aanbeveel as ’n saadbehandeling wat nie net ontkieming en opkoms bevorder nie, maar ook ’n mate van beskerming bied.
As dit nie moontlik is om saad te behandel nie, kan invoor-toedienings of toedienings saam met ander gewasbeskermingsprodukte in tenkmengsels ook gedoen word.
Stoller se reeks produkte is veelsydig, verenigbaar en maklik om te gebruik.
Stoller Bio-Forge® se voordele sluit in: Verbeterde hormoonbalans vir optimale plantfunksionering en voortgesette sellulêre lewensvatbaarheid; Deurlopende wortelstimulering vir doeltreffende voedingsopname (veral van stikstof); en Die regulering van die gene wat stres beïnvloed. Stoller CoMo Platinum™ bevorder groei en verlig die stres wat etileenproduksie in die plant veroorsaak. CoMo Platinum™ ondersteun ook mikro-organismes en verbeter die benutting van stikstof.
Dié saadbehandelings toon herhaaldelik die beste potensiaal en prestasie vir koring.
BETER OESTE
Arysta se TurboWheat® (reg. nr. K 7242 is spesifiek ontwerp as groeistimulant en word as ’n blaarbespuiting op koring in die vegetatiewe groeifase gebruik. Die produk kan in ’n breedwerpige spuitaksie saam met insekof swamdoders of deur die oorhoofse besproeiingstelsel toegedien word.
Die produk bevat die regte kombinasie en hoeveelheid makroen mikrovoedingstowwe, asook plantgroeireguleerders.
Die plantgroeireguleerders produseer ’n stimulant wat die plant se vermoë verbeter om meer biomassa en wortels te produseer om só die nodige metaboliete in groter volumes te kan produseer.
TurboWheat® verhoog met ander woorde die wortel- en plantmassa, wat weer die voldoende beskikbaarheid van voedingstowwe optimaliseer en die gewas in staat stel om opbrengs te verhoog en gehalte te verbeter.
Dié stimulant en voedingsprodukte gekombineer in ’n spuitprogram lewer indrukwekkende resultate, soos veral waargeneem tydens proewe op Hopetown en Douglas in die Noord-Kaap.
Arysta se intensiewe kommersiële en demonstrasieproewe bevestig die voordele van hierdie produkte.
Die kombinasie van Arysta se biostimulante saam met sy onkruid-, swam- en insekdoderprogram vir koring bied alles waarvoor die Arysta ProNutiva®-konsep staan. Die resultaat is bonormale gewasbeskerming en beter oeste. www.arystalifescience.co.za; info@arystalifescience.co.za; 031 514 5600.