Dringende optrede is nodig om die verliese te voorkom wat slakke kan aanrig. Raak ontslae van slakke
Die slakprobleem in die vrugte-, wingerd- en graanbedryf het só toegeneem dat planne nodig was om dié probleem doeltreffend te bekamp. Gevolglik het Orchard Agrikem SlugPro bekend gestel. SlugPro is ’n gratis program wat slakke monitor om boere te help om ’n slakplaag in bedwang te bring. Dit samel inligting in wat bepaal waar slakaas geplaas moet word.
Monitering is noodsaaklik om die soort slak en die bevolkingsdruk te bepaal. Lande en boorde met groot slakbevolkings kan nie met die gewone hoeveelheid slakpille per hektaar behandel word nie. Te min pille lei tot die ondoeltreffende bestryding van slakke. Te groot toedienings lei weer tot onnodige koste.
Monitering is dus die enigste manier om die grootte van die slakbevolking en die gewenste toediening per hektaar te bepaal.
Verskillende hoeveelhede slakstasies word uitgeplaas na gelang van die soort boerdery en die grootte van die slakbevolking. Die lokmiddel bepaal die bevolkingsdruk per vierkante meter en die syfers word aanlyn aangeteken. Dié tellings bepaal hoeveel slakpille per hektaar toegedien moet word, en die tyd waarop dit gedoen moet word.
Die program hou die inligting gratis en dus het boere historiese teldata van elke blok beskikbaar.
Jaco Kok van die Elstelm-boerdery sê: “Die Slugpro-stelsel maak ’n groot verskil, want ek weet nou presies waar om die slakaaskorrels te plaas. Met die moniteringstelsel kan ek die groot variasie van slakke in verskillende gebiede beter bestuur.”
Registreer gratis vir SlugPro op Agrikem se webwerf.