Regte middels kan goeie oeste verbeter
Landboumaatskappye speel ’n groot rol in die wedloop om almal op aarde te voed. BASF is ’n voorloper met die ontwikkeling van landbouchemiese middels en navorsing oor boerderypraktyke.
Bekostigbare, veilige en doeltreffende middels is vir boere ’n belangrike verdedigingstrategie teen die bedreiging wat die kosteknyptang inhou.
Die ontwikkeling van nuwe middels gebeur egter nie oornag nie. Die proses om ’n nuwe middel te ontwikkel, begin met die identifisering en toetsing van 140 000 stowwe en eindig met slegs een aktiewe bestanddeel wat jare later in ’n kommersiële produk op die rak beland.
Hierdie lang, noukeurige proses verseker dat slegs die beste en doeltreffendste produkte in die boer se arsenaal beland teen siektes, soos Alternaria helianthi by sonneblom en sojaboonroes.
Met sy ervaring van meer as 150 jaar kan die boer gerus wees dat BASF nie kortpaaie kies in die ontwikkeling van nuwe produkte nie.
Tydens die afgelope landwye droogte is dit weer beklemtoon hoe belangrik die volhoubare, plaaslike produksie van goeie voedsel vir mens en dier is. Die alternatief is dikwels duur, ingevoerde produkte, veral soja- of sonneblomoliekoek vir veevoer. Vir die verbruiker beteken dit ook ’n groter finansiële las wanneer voedselpryse en veral vleispryse styg.
Navorsing en die ontwikkeling van middels wat help om oesverliese in slegte jare te beperk en in goeie jare die oes aansienlik te verbeter, is deel van die oplossing.
NAVORSING
Landbouweekblad het saam met BASF na Duitsland gereis na sy proefplaas en produkvernuwing- sentrum by Limburgerhof naby Mannheim en sy hoofkantoor by Ludwigshafen.
Die rol van proefplase in die ontwikkeling van nuwe produkte wat die wêreld help voed, speel dikwels op die agtergrond af. ’n Afvaardiging van internasionale landboujoernaliste het die geleentheid gekry om agter die skerms te loer.
Twee nuwe landbouprodukte uit die BASF-stal is tydens die geleentheid in Ludwigshafen bekend gestel.
Die produkte is nog nie in Suid-Afrika beskikbaar nie en dit kan daarom nie by name ge- noem word nie, sê mnr. André Pretorius, bemarking-en-kommunikasiebestuurder vir gewasbeskerming by BASF in Suid-Afrika. Hy kon wel bevestig die een produk is ’n breëspektrumswamdoder en die ander ’n geïntegreerde, elektroniese boerderybestuurstelsel. Hierdie produkte word eers in ander lande bekend gestel.
Intussen help staatmakers in die BASF-produkaanbod boere reeds om beter oliesaadproduksie te verkry.
Vir sonneblomboere wat die voordele van Clearfield®-sonneblomkultivars wil geniet, is
daar Euro-Lightning®. Dit is ’n wateroplosbare na-opkomsonkruiddoder vir die bestryding van sekere eenjarige breëblaar- en grasonkruide by goedgekeurde Clearfield®kultivars.
Hierdie middel het baie spesifieke gebruiksaanwysings om doeltreffend van onkruid ontslae te raak.
Grasonkruide moet bestry word voordat dit die uitstoelstadium bereik. Die lys grasse waarteen die middel doeltreffend is, is lank.
Dit sluit die grasse kruisvingergras en katstert en die breëblaaronkruide Kaapse misbredie, bobbejaantou en hondebossie (groen, wit en Australiese) in.
Die sonneblomsaailinge moet tussen die twee- en ses-blaarstadium wees en toediening moet binne 32 dae ná planttyd plaasvind wanneer die meeste onkruide reeds opgekom het.
Toediening moenie te laat gedoen word nie, anders sal die ouer onkruide nie meer bekamp word nie.
VAT SO, SIEKTE!
Tydens die besoek aan die navorsingsgeriewe was dit duidelik dat die klem val op die ontwikkeling van nuwe middels wat plante teen siektes beskerm en die produksiepotensiaal van plante ontsluit.
Toegewyde personeel bestee lang ure in BASF se laboratoriums en kweekhuise om duisende permutasies van nuwe middels te toets en wéér te toets totdat hulle ’n nuwe middel kan bekend stel. Wanneer die middel gereed is vir kommersiële gebruik, is dit egter ’n soete oorwinning teen byvoorbeeld swamsiektes, soos roes, wat jaarliks miljoene rande uit sojaboonboere se sak steel.
Só is die aktiewe bestanddeel piraklostrobien, wat as F500® deur BASF geregistreer is, ontwikkel. Vernuwende kombinasies met F500® sluit in Abacus® en Bellis®, twee van BASF se topprodukte.
Sekere swamsiektes by konvensionele sonneblomkultivars word doeltreffend deur Bellis® bekamp. Die resultaat is gewasse van ’n hoër gehalte en verhoogde opbrengs.
Bellis® is ’n BASF AgCelence®-produk wat sy staal reeds in die praktyk gewys het. Dit bied verder verhoogde verdraagsaamheid teen stremming en gee die boer gemoedsrus oor omvattende siektebestryding.
Danksy die vinnige opname en verspreiding van die middel in die blare bied die hele plant weerstand teen swamsiektes, soos
Nog ’n voorloper in gewasbeskerming is Abacus®. Dit bied beskerming teen siektes by sojabone, en ook mielies, suikerriet, suikermielies, koring en gars, maar gee ook ’n ekstra huppel in die stap vir gewasse om ’n groter oes van topgehalte te verseker. Voordele van Abacus® sluit in: Verbeterde waterverbruik en assimilasie van stikstof, wat lei tot beter plantgroei. Verhoogde daaglikse koolstofdioksiedopname lei tot verhoogde styselproduksie in die plant. ’n Verlaging in etileenproduksie in strestoestande met die gevolg dat minder blare, blomme en peule afgespeen word. As ’n lokaalsistemiese en translaminêre swamdoder beskerm dit die bogrondse dele van die plant en bied dit ’n beskermende en herstellende werking. Hierdie swamdoder bied beskerming teen siektes, soos sojaboonroes, en onderdruk Sclerotinia.
PRODUKTE
Eurolightning®, Abacus®, Bellis® en F500® is geregistreerde handelsmerke van BASF met die volgende registrasienommers ingevolge Wet 36 van 1947: Eurolightning®, reg.nr. L8436. Aktiewe bestanddele: imasapier (imidasolinoon) 15 g/liter; imasamoks (imidasolinoon) 33 g/liter. Hanteer versigtig. Abacus®, reg.nr. L8048. Aktiewe bestanddele: F500® (piraklostrobien) 62,5 g/l; epoksikonasool 62,5 g/l. Skadelik. Bellis®, reg.nr. L7817. Aktiewe bestanddele: F500® 128 g/kg; boskalid 252 g/kg. Versigtig.