K2-kultivars lewer puik opbrengste
K2 Saad stel sojakultivars van Suid-Amerika beskikbaar. Dié kultivars hou groot voordele in en beloof hoë opbrengste.
K2kultivars word geselekteer op grond van aanpasbaarheid, stabiliteit, siekteverdraagsaamheid en opbrengs. Vier is vanjaar kommersieel beskikbaar.
Hierdie kultivars kom van Nidera in Argentinië in SuidAmerika. Dit is beter aangepas by SuidAfrikaanse toestande as NoordAmerikaanse kultivars omdat SuidAfrika en Argentinië op dieselfde breedtegraad is.
Drie kultivars is vir die Hoë veldgebiede van Mpumalanga, die OosVrystaat en KwaZuluNatal geïdentifiseer: NS 5009 R is ’n vinnige kultivar met goeie opbrengste in sy groeiklas. Dit presteer veral goed in die koeler Hoëveldstreke, het ’n goeie staanvermoë en is geskik vir vroeë aanplantings. Dit is die grootste verkoper in Argentinië. NS 5909 R is ’n mediumkultivar wat uitstekend presteer in koeler en in warmer gebiede. NS 5909 R is die grootste verko per in Brasilië. Die kultivar het stabiele opbrengste en spring nie maklik oop nie. NS 6448 R is ook ’n mediumkultivar wat uitstekend presteer in koeler en in warmer gebiede. NS 6448 R is verlede jaar bekend gestel en het opbrengste van meer as 4 ton op droëland gelewer. Vir die warmer besproeiingsgebiede, soos Loskop en langs die Krokodilrivier, is NS 7211 R ’n onoortreflike langgroeitydkultivar. Opbrengste van meer as 5 ton word gereeld behaal.
Elke jaar ontvang K2 Saad 30 nuwe kultivars wat in SuidAfrikaanse toestande geëvalueer word. Vier nuwe kultivars is geïdentifiseer wat verbeterings op die huidige reeks bied. Dit sal in die toekoms geregistreer en beskikbaar gestel word.
Mnr. Willem Engelbrecht is kommersiële bestuurder: agronomies vir K2 Saad.