TRANSFORMASIE IS ’N SAKEGELEENTHEID
LANDBOUTRANSFORMASIE mag nie bloot as uiterlike vertoon gesien word nie.
Dít was die boodskap van mnr. Pierre Vercuiel, voorsitter van Agri Noordwes, op Agri Noordwes se onlangse jongboerkonferensie.
Vercueil meen transformasie bied geleenthede aan Suid-Afrikaanse boere, maar dan moet hulle dit reg benader.
“Die owerhede se uitlatings en die huidige politieke klimaat stem baie boere pessimisties en hulle verlaat die land, maar daar is tog ook geleenthede vir boere wat die regte ingesteldheid het en geleenthede wil benut,” het hy gesê.
Hy meen die geleentheid vir boere lê daarin om geleenthede te skep vir diegene wat nie in ’n landbou-omgewing grootgeword het nie.
“Transformasie is ’n werklikheid en vir die boer van die toekoms lê daar ’n sakegeleentheid in. Familie-ondernemings is die ruggraat van die Suid-Afrikaanse landbou. Hierdie ondernemings kan egter uitgebrei word deur aandeelhouding en deur vaardige mense in diens te neem. Die gevolge daarvan kan wyd uitkring,” het hy gesê.
REGTE REDES
Hy het bygevoeg transformasie mag nooit net gebruik word om die Regering van ’n boerdery se deur af weg te hou nie. “Dit moet om die regte redes gedoen word en deel gemaak word van die boerderystrategie.”
Vercueil het gesê daar gaan Mnr. Ro’an van Tonder van die plaas Klipfontein by Potchefstroom is onlangs in Lichtenburg as Agri Noordwes se Jongboer van die Jaar aangewys. Hy boer die afgelope sewe jaar met wild en voergewasse (tef, oulandsgras en smutsvinger) en bedryf ook ’n kommersiële veeboerdery. Die wildboerdery word verdeel tussen wildteling, met ’n groot klem op gemsbokke, en ’n jagvertakking. Ro’an is getroud met Miquet en hulle het twee seuns, Ro’an en Benroux (foto). ’n radikale verandering in die Suid-Afrikaanse landbou plaasvind, maar dat boere in ’n gunstige posisie verkeer, aangesien die land se bevolking groei en gevoed moet word.
“Die onus rus dus op die boere van vandag om die geleenthede daarin raak te sien en dit aan te gryp.”
Hy het daarop gewys dat elke Suid-Afrikaner dieselfde omstandighede ervaar. “Ons is almal in dieselfde bootjie, want ons soek stabiliteit en vrede. Die verantwoordelikheid om daardie stabiliteit in die toekoms te bewerkstellig, lê by die jong boere van vandag.”