Spuit só doeltreffender

Aan plaagdodertoediening is daar veel te verbeter tussen die spuitstuk en die teiken van bespuiting, sê ’n navorser van Bayer CropScience.

Groter bewustheid van die nadelige uitwerking wat die onoordeelkundige toediening van landbouchemikalieë op die omgewing en mense kan hê, maak navorsing oor doeltreffender tegnologie vir plaagdodertoediening noodsaaklik.

Die doeltreffende toediening van plaagdoders kan ’n kleiner uitwerking op die omgewing tot gevolg hê, die wegdrywing van chemikalieë verminder, spuitoperateurs se blootstelling aan die middels verlaag en help om die produkte beter te laat werk, sê dr. Reinhard Friessleben, hoof van Bayer CropScience se afdeling vir toedieningstegnologie.

Reinhard het op die kleingraanforumdag, wat Bayer CropScience by Kronenburg tussen die Paarl en Wellington gereël het, gesê daar word baie navorsing gedoen oor alles wat tussen die spuitstuk (nozzle) en die teiken (plaag) gebeur. Dit kan verbeter word deur byvoorbeeld die mees gepaste spuitvolumes, spoed van toediening en spuitstukke vir die taak te vind.

Volgens hom kry vervaardigers van landbouchemikalieë soms klagtes oor ’n plaagdoder se doeltreffendheid, maar dan is dit weens foute wat met die toediening van die produk gemaak is, soos onvoldoende oorvleueling, verkeerde spuithoogte of “golwe” in die groeiwyse van plante in die lande vanweë die beweging van die spuitbalk.

Hoewel landbouspuite deesdae spuitbalke van 48 m kan hê en teen 20 km/h kan spuit, bestaan hulle uit ’n tenk, ’n pomp, spuitlyne en spuitstukke – nes die eerste spuit wat 150 jaar gelede in Duitsland ontwikkel is om die sogenoemde Bordeauxmengsel toe te dien. Met die ontwikkeling van moderne plaagdoders (sedert die 1950’s) was dit nodig om die verspreidingspatroon van spuite te verander. Die basiese beginsel van toedieningstoerusting het egter nie verander nie.

UIT DIE LUG SPUIT

Reinhard, wat vir Bayer CropScience naby Keulen in Duitsland werk, sê hoewel die toediening van landbouchemikalieë met vliegtuie meestal in Europa (behalwe in sekere plantasies en baie steil wingerde) verbied LIGGING KORTOM ■ ■ ■ word, kan dit tog met welslae gedoen word as die beperkinge in gedagte gehou word (sien TABEL 1 ).

Hy meen vliegtuigbespuiting is ’n belangrike stuk gereedskap as jy groot oppervlaktes moet bespuit, veral omdat dit nie van grondtoestande afhanklik is nie. Dit is egter baie afhanklik van die regte weer, is duur en kan hoë tegnologie en wetlike vereistes hê.

DOEN BAIE PROEWE

Reinhard sê die sukses van toedieningstegnologie is ook gekoppel aan die formulasie van die produk wat gespuit word. “Ons formulasiekundiges werk daaraan om ons produkte Spuitstukke is die belangrikste onderdeel van ’n spuit. Daar is meer as duisend soorte spuitstukke met verskillende gebruike. Reinhard beskou die ontwikkeling van inspuitingspuitstukke as die grootste vernuwing van die afgelope 20 jaar. Die spuitstukke vereis meer druk, maar gee ’n druppelgrootte wat nie te groot is nie. Kompakte inspuiterspuitstukke, wat teen ’n laer druk werk, is ook ontwikkel.

Spuitstukke is die skakel tussen die produk wat gespuit word en die teiken. Spuitstukke moet gekies word volgens die aanbeveling, die vereistes en omgewingstoestande, soos wind wat die risiko van wegdrywing kan verhoog. Soortgelyke spuitstukke moet op die spuitbalk gebruik word en daar moet seker gemaak word dat alle spuitstukke ewe ver van mekaar is. Maak ook seker dat die spuitpatroon nie ander dele van die spuit tref nie, en dat dit homogeen is.

Hy waarsku ook dat die spuit op die regte hoogte moet werk. “Hoe hoër die spuitstuk, hoe meer wegdrywing kan jy verwag.”

Boonop moet boere nie dink hulle sal doeltreffend spuit as hulle in alle omstandighede dieselfde spuitstuk gebruik nie. “Verander die spuitstuk en druppelgrootte as die weer