Van die kragtigste trekker in die handel tot ’n outomatiese trekker sonder stuurkajuit — Case IH loop voor met uitnemendheid.
Case IH vier vanjaar sy 175ste herdenking as ’n wêreldleier op die gebied van landboutoerusting. Die maatskappy se aanvanklike aanleg in Racine, Wisconsin, in Amerika is steeds die hoofkwartier van dié handelsmerk.
Die moderne weergawe van die maatskappy het in 1985 ontstaan toe JI Case die landbou-afdeling van International Harvester oorgekoop het. Só is Case en IH saamgevoeg in die hedendaagse Case IH.
Van die bekendste landboumasjinerie uit die Case IH-stal is vandag steeds bekend as betroubare werkesels met uithouvermoë. Die Magnum-trekkerreeks, waarvan meer as 150 000 eenhede wêreldwyd al sedert 1985 verkoop is, is een daarvan. Trouens, die Magnum het in 1987 die eerste trekker geword wat die uitnemendheidseerbewys vir industriële ontwerp ontvang het.
VOORUITGANG
Meer onlangs is die Case IH Quadtrac-trekker met sy rusperbande bekend gestel. Dit is wêreldwyd ’n betroubare staatmaker. Sedert sy bekendstelling in 1996 het dié trekker die pas aangegee vir trekkers met driehoekvormige rusperbande. Trouens, die kragtigste trekker wat in die handel beskikbaar is, is die Steiger® Quadtrac 620 wat 516 kW en ongeëwenaarde trekkrag lewer.
Eerbewyse vir nuwe tegnologie is nie die motivering vir Case IH se span nie, maar om beter opsies aan boere te bied.
Só is die jongste toevoeging in Case IH se vertoonkas ook die een wat die meeste asems wegslaan. Die outonome konseptrekker is verlede jaar op die Farm Progress Show in Amerika bekend gestel.
Dié trekker sonder ’n stuurkajuit is ten volle outomaties en kan volgens sy geprogrammeerde roete of met afstandbeheerde instruksies al die werk doen wat ’n trekker met ’n operateur sou doen.
Merkwaardig? Nee, dit is gewoon net Case IH se vernuwing in aksie! www.caseih.com