New Holland se T8-reeks Smarttraxtrekkers bied die oplossing vir talle spesialis-take op die plaas. Besoek gerus New Holland se Nampo-stalletjie.
Met die uitdagings van hedendaagse boerderypraktyke en veranderende weerpatrone is New Holland se T8-reeks die ideale oplossing vir die dinamiese boer. Dié reeks bestaan uit vyf trekkers, naamlik die T8.320 (184 kW), T8.350 (206 kW), T8.380 (229 kW), T8.410 (250 kW) en die T8.435 (279 kW).
Al die modelle het ’n groter brandstofkapasiteit, ’n nuutontwerpte luginlaatstelsel en LED-ligte. Gevolglik kan die wye werktuie agter die trekkers ure lank belig word.
Die reeks is ook met die nuutste fabrieksgemonteerde PLM-satellietstuurstelsels toegerus. Dit sluit ’n groot “intelliview”-vierkleurraakskerm in waardeur seksiebeheer, satellietstuur, wisselende toediening en verskeie trekkerfunksies moontlik is. Die Centrepoint RTX-korreksiesein, wat ’n jaar lank geldig is, is gratis met die aankoop van die trekkers. Hierdie sein bied ’n akkuraatheid van 3,8 cm jaar ná jaar.
Drie modelle, die T8.380, T8.410 en T8.435 is beskikbaar in Smarttrax-konfigurasie. Dié modelle is beskikbaar met kajuitsuspensie en ’n keuse van rusperbande wat 24 duim of 30 duim breed is. Hierdie trekkers geniet voorkeur omdat die hantering en gerief van ’n normale trekker gekombineer word met die traksie en flottasie van rusperbande.
Kort draaisirkels sonder oormatige grondversteuring is net die begin van die lang lys voordele van hierdie unieke stelsel.
Die T8.435 is die eerste New Holland-trekker in Suid-Afrika wat toegerus is met ’n palwissel(CVT) transmissie wat grondspoed van 20 m/h tot 40 km/h sonder skakelings tot gevolg het. Dié transmissie verseker optimale brandstofverbruik vir die betrokke toepassing omdat die doeltreffendheid ten volle benut word tussen die FPT-enjin van 8,7 liter en die swaardiensagteras.
Wielglip word drasties verlaag met die rusperbande se groot spoor. Die vier kontakpunte wat deurentyd in aanraking met die grond is, verseker aandrywing.
BESTUUR UITDAGINGS
Die New Holland T8-rusperbandtrekker was die ideale keuse vir mnr. Paul de Wet wat buite Kestell in die Oos-Vrystaat boer. ’n T8.435 Smartrax-trek- ker was die oplossing vir die probleem wat hy ervaar het tydens die stroop van suikerbone in ’n nat seisoen. Dit vereis ’n deurlopende grondspoed van so laag as 0,8 km/h en die trekker bereik dit maklik deur die palwisseltransmissie.
Baie draaiwerk op die wenakkers is onafwendbaar omdat hierdie gewas teen kontoere gestroop moet word. Die trekker het ’n kort draaisirkel en byna geen grondversteuring nie. Die 760 mm-rusperbande dra gemaklik die swaar Pickettdubbelrotorstroper se gewig wat aan die trekstang van die trekker gekoppel is, en verlaag verdigting vanweë die groot kontakarea op die grond.
Die trekker moet ook langs die windrye met die reusesleepstroper kan ry. Daarom is die trekker se wydte beperk, terwyl maksimum traksie nodig is om deur die nat kolle te kan ry. Rusperbande vir traksie en wydtebeperking gekombineer met ’n lae grondspoed wat vinnig aangepas kan word, was die antwoord. Die bone word ook nie met konvensionele awegaars afgelaai nie, maar deur ’n bak wat hidroulies kantel. Só verhoog die T8.435 verder produktiwiteit deurdat hoë hidrouliese olievloei van 282 liter per minuut daartoe bydra dat die oes vinniger afgelaai word. www. newholland.com. 082 380 2405. Bylae tot Landbouweekblad