Radium Engineering is ’n spesialis wanneer dit kom by plaaslik vervaardigde boerderytoerusting. Die maatskappy se omvattende reeks landboumasjinerie beïndruk jaar ná jaar op Nampo.
Radium se reeks strooiers is veelsydig, bekostigbaar en betroubaar. Dit is ideaal vir die verspreiding van kunsmis, kalk en gips, asook vir middelslag- tot groot hoeveelhede droë organiese materiaal. Modelle, soos die kleiner CompacSpread (2,5-5 ton) en die EconoSpread (5-7 ton), hoef gehaltegewys nie terug te staan vir die groter ProSpreaden BulkSpread-reeks nie.
Die jongste reeks Radiumstrooiers is die derde generasie en is verbeter om vinniger en akkurater te werk. Die strooiers bied oplossings vir bemesting in nou boorde en wingerde, maar ook vir grootskaalse bemesting op saaiplase.
Die verbeterde ontwerp beteken misstowwe kan teen tot 5 t/ha teen 30 km/h gestrooi word na gelang van die model en trekker se vermoë.
Die sleepstang van die ProSpread se topmodelle is geveer. Dit kan daarom vinniger, maar steeds veilig in landerye ry.
Met die verbetering van die reeks strooiers kan boere nou ook inskakel by hul moderne trekkers se rekenaartegnologie. Doen navraag by Radium Engineering oor die beskikbaarheid van Isobus-gereedheid in die verskillende modelle. Inligting is ook beskikbaar oor kameras en beligting wat werk in die donker moontlik maak.
PROSPREAD
Die ProSpread-reeks is bedoel vir die grootmaattoediening van misstowwe en is beskikbaar in ’n verskillende modelle met ’n vermoë van 8-20 ton. Dié klas strooier is ontwerp met produktiwiteit en veelsydigheid in gedagte. Dit is die ideale keuse vir die middelslag- en kommersiële boer, asook vir kontrakteurs wat op groot skaal werk.
Een só ’n kontrakteur is mnr. Thys Botha van MJ Botha Presisieboerdery wat vanuit Memel in die Vrystaat oral in die land op saaiplase werk doen. Thys glo in Radium se ingenieursvernuf en diens.
“Die ingenieurswerk is uitstekend en die afwerking is netjies en presies. Die strooier het min slytpunte, wat beteken die werktuig hóú. Ek is baie beindruk met die maatskappy se diens. Dit maak nie saak of dit dag of nag is nie, die personeel beantwoord navrae en doen enige herstel- of onderhoudswerk blitsvinnig.”
Om elke kontrak betyds en winsgewend af te handel, gebruik Thys juis Radium se Prospread-misstrooier wat by sy trekker se tegnologie inskakel.
“Ek gebruik John Deere-trekkers met die GS 3-stelsel vir presisiebewerking saam met my ProSpread-strooier van 12 ton. Die Radium-strooier is Isobus-gereed en skakel regstreeks met die trekker se elektroniese bestuurstelsel.”
Die ketting in die strooier se spoed verander om die hoeveelheid kalk, mis of kunsmis per kubieke meter aan te pas volgens die boodskap wat die presisiebestuurstelsel stuur. Dit skakel ook met die ryspoed en die strooier roep saam halt as die trekker tot stilstand kom.
“Ek kan vanaf die trekker na die strooier boodskappe stuur. Ek kan derhalwe die tonnemaat wat ek per hektaar strooi, presies bestuur. Só spaar die boer op sy kalkuitgawes en dit maak my werk doeltreffender,” sê Thys. www.radium.co.za, 012 719 9062/3;
thysbotha@hotmail.com, 082 855 8855. Bylae tot Landbouweekblad