Die Goscor-groep, ’n verskaffer van industriële toerusting, sal ’n groot teenwoordigheid hê op Graan SA se Nampo-Oesdag.
Die Goscor-groep gaan ’n puik buitelugstalletjie op Nampo hê met die nuutste produkte en oplossings van Goscor Power Products, Bobcat en Sany, Goscor Cleaning Equipment en Goscor Access Rental.
Met ’n reeks brandbestrydingstoerusting, waterpompe en spuite is Goscor Power Products aktief by die landboubedryf en koöperasies betrokke.
Goscor Compressed Air Systems gaan sy draagbare en vaste kompressors uit die Ozen- en Sullair-stal ten toon stel. Inligting sal ook beskikbaar wees oor die maatskappy se vermoë om alle soorte kompressors, luggereedskap en droërs te herstel, en sy kostemededingende verhuringsdiens vir druklugtoerusting.
’n Hoogtepunt van Goscor Power Products is die nuwe Rato-enjin, wat by bakkiegemonteerde brandbestrydingstoerusting ingebou kan word.
“Ons sal ons volledige reeks waterpompe ten toon stel, en spesiale produkte, soos dieselaangedrewe besproeiingspompe vir afgeleë boerderygebiede met beperkte elektrisiteitsvoorsiening,” sê Mark Bester, besturende direkteur.
Nog ’n nuwe handelsmerk uit die Goscor Power Product-stal wat bekend gestel gaan word, is WEIMA-dieselenjins vir kragopwekkerstelle wat vir sweiswerk gebruik word.
Goscor Power Products se Vrystaatse en Noord-Kaapse handelaars gaan almal by die skou wees, met ekstra voorraad uit Bothaville teen spesiale Nampo 2017-pryse.
Demonstrasies by die Goscorstalletjie sal besoekers insig gee in hoe die verskillende brandbestrydingstoerusting werk en die voordele vir die boerderygemeenskap, soos verminderde totale koste van eienaarskap.
“Van ons generatorstelle sal ook loop om die lae geraasvlakke te demonstreer,” sê Bester.
SKOONMAAK
Goscor Cleaning Equipment gaan sy Italiaanse reeks Maer-hoëdrukwassers uitstal. Peter Esterhuizen, nasionale verkoopsbestuurder, sê die doel is om bewusmaking te skep van dié handelsmerk en die vlagskip-reeks Tennantbuitelug-skoonmaakmiddels.
“Die landboubedryf het tradisioneel op kouewaterdrukwassers van 15 000-20 000 kPa klem gelê. Ons wil bykomende gebruike deur ons groter toerusting uitlig, waaronder die skoonmaak van boerderytoerusting, soos stropers en trekkers vir instandhoudingsdoeleindes,” sê Esterhuizen.
Esterhuizen sê Nampo word onderskei deur die verkoopsbestellings by die stalletjies, wat ’n tasbare opbrengs op belegging vir die Goscor-groep beteken. Om daaruit voordeel te trek, sal Goscor Cleaning Equipment spesiale pryse aanbied op twee van sy hoëdrukwassers.
VOORDELE VIR KLIËNTE
Goscor Access Rental sal verteenwoordig word deur Tanya Brummer en Lavesh Gunpath. Gegewe die prysgevoeligheid van die landboubedryf sal opgeknapte en kostedoeltreffende Doosan-vurkhysers ’n ereplek inneem om die voordele van die totale koste van eienaarskap aan klante uit te lig.
Bobcat en Sany sal klem lê op die bekendstelling van ’n nuwe, kompakte trekskop-laaigraaf en teleskopiese hanteerder spesiaal vir die boerderybedryf, asook ’n mini-masjiengraaf.
Die trekskop-laaigraaf is met die samewerking van Kukorova van Turkye ontwikkel en het ’n Perkins-enjin van 74,5 kW.
Ander produkte sluit in ’n dubbeldrom-, rytipe roller en ’n klein skraper. Hierdie produkte is veral gemik op boere wat padinfrastruktuur in landelike en afgeleë gebiede opknap – ’n nuwe groeigebied waaruit die toerustingverskaffer wil tap.
DIE GOSCOR-GROEP
Die industriële toerusting-groep Goscor is deel van Industrial Services Holdings (InServe). Goscor verteenwoordig puik toerustinghandelsname in verskillende bedrywe, waaronder: Crown, Bendi, Hubtex, Taylor Dunn en Doosan (vurkhysers en materiaalhanteringstoerusting); Bobcat (boubedryf); Sany (grondverskuiwing); Tennant, Elgin, Maer, Delfin en HighPoint (industriële skoonmaaktoerusting); Sullair (druklugoplossings); Genie (lug-hystoerusting); en Subaru (industriële kragoplossings). www.goscorcleaning.co.za; dmarx@goscor.co.za, 011 230 2600 083 661 8751. Bylae tot Landbouweekblad