Diamond Implements het meer as 40 jaar ervaring in die vervaardiging van voermengers van topgehalte.
Saul Diamond en Leiz Isakow het in September 1974 die deure van Diamond Implements op Delmas in Mpumalanga geopen. Die vervaardiging van ’n reeks statiese en mobiele volvoermengers is die kernbesigheid. Aanvullend tot die reeks materiaalhanteringstoerusting is ook produkte, soos konsentraatmengers, sakvullers, selflaaiers en vervoerbande.
’n Nuutjie is die afleweringswaens wat op Nampo bekend gestel gaan word. Dit is vir die Afrika-mark ontwerp en is intensief by bekende voerkraaloperateurs getoets. Dié waens het ’n horisontaal verstelbare uitlaaiketting, die opsie om agtertoe af te laai en dit word hidroulies aangedryf.
Die reeks volvoermengers het sewe modelle en is standaard toegerus met 1,6 mm 3CR12 vlekvryestaalbinnevoerings.
Diamond Implements spog met ’n volledige reeks vervangingsonderdele vir sy huidige en ouer mengers. Die legendariese horisontale voermengers wat oorspronklik van Israel ingevoer BO: REGS: is, is daarby ingesluit. As ’n onderdeel nie beskikbaar is nie, kan die goed toegeruste ingenieursafdeling dit vervaardig.
Gebruikte Diamond-mengers kan by die maatskappy ingeruil of aan hom verkoop word. Die fabriek op Delmas is toegerus om sulke mengers oor te bou en terug in die mark te plaas. Die maatskappy is ook die enigste vervaardiger en verkoper van voermengers met ’n opgeleide weegskaaltegnikus in diens.
Diamond Implements voer van die reeks se onderdele in om beheer oor die pryse te hou. Hy bied ’n puik naverkoopdiens gerugsteun deur vervangingsonderdele op alle toerusting wat deur hom vervaardig is. 083 2257093 082 891 6177. www.diamondimplements.co.za; info@diamondimplements. co.za; 013 665 1032.