Is jy op soek na toerusting wat plaaswerk, instandhouding en grondverskuiwing makliker maak? Besoek dan HPE Africa se uitstalling op die Nampo-Oesdag.
Die reeks betroubare toerusting in High Power Equipment Africa (HPE Africa) se katalogus sluit Hyundai Construction Equipment se wêreldklaswerktuie in.
Dié internasionaal bekende handelsmerk se gevorderde tegnologie is in al sy grondverskuiwingen konstruksietoerusting ingebou. Operateursgerief en kontroles waarmee presisiewerk maklik en lang werksure gerieflik is, dra by tot die waarde van dié swaardienstoerusting.
Danksy die uitgebreide verspreidingsnetwerk van takke en geakkrediteerde handelaars is verkope en tegniese ondersteuning landwyd beskikbaar. Danksy ’n omvattende onderdelepakhuis met genoeg voorraad is aankope vir onderhoud en herstelwerk ’n plesier.
Tyd is geld en om jou en jou span weer vinnig aan die werk te kry, lewer HPE Africa se ervare tegniese span ongeëwenaarde naverkoopdiens.
VERSKEIE MASJIENE
LINKS BO: REGS BO: volledige reeks graafmasjiene, laaigrawe en sleepstuurlaaiers. Hierdie toerusting is ontwerp om op enige soort terrein te kan werk en die taak doeltreffend af te handel.
Die goeie nuus vir HPE Africa se kliënte is dat Hyundai Construction Equipment se reeks betroubare werktuie eksklusief by HPE Africa beskikbaar is. Dit sluit die robuuste H940slaaigraaf-nutswerktuig in. Die werktuig is toegerus met ’n diesel-Perkins-enjin (4,4 liter) wat 74 kW lewer.
Die enjins voldoen aan die Europese Vlak 3-vereistes, wat beteken dit is nie net brandstofdoeltreffend nie, maar besoedel ook die lug minder. Die voorste laaigraaf kan vergroot word van 800 liter tot 1 000 liter, terwyl die agterste graaf van 170 liter tot 200 liter vergroot kan word.
Vir veelsydigheid hoef jy nie verder as die splinternuwe Hyundai HSL650-7en HSL850-7-sleepstuurlaaiers te soek nie. Die reeks 7-sleepstuurlaaiers is ontwerp met oorgenoeg krag vir maklike laaiwerk en uitstekende brandstofverbruik. Die HSL650-7 het die Kubota V2203M-enjin wat 32,5 kW lewer. Die HSL850-7 het die Kubota V3300DI-enjin wat 50 kW lewer. Die 7-reeks is doeltreffende werktuie wat ontwerp is om verskillende take af te handel.
TOEBEHORE
Om te verseker dat sy kliënte uit die grootste verskeidenheid grondverskuiwingstoerusting kan kies, het HPE Africa sy aanbod van Hyundai-werktuie aangevul met Soosan Heavy Industries se reeks toebehore vir grondverskuiwingsmasjienerie. Soosan is ’n gevestigde maatskappy bekend om sy hidrouliese klipbrekers, vragmotor-gemonteerde hyskrane en kruipbore. HPE Africa voer Soosan-produkte van SuidKorea af in en bied dus ’n reeks toebehore om saam met die Hyundai-reeks te gebruik.
Die grootste oorweging in die besluit om toerusting aan te koop, lê in die beskikbaarheid van onderdele en naverkoopdiens. HPE Africa is trots daarop dat hy die regte onderdele betyds kan lewer.
Die maatskappy se tegnici en onderdele-afdeling verskaf uitstekende naverkoopdiens, wat beteken die werktuie staan nie onnodig lank nie.
HPE Africa is oor Suid-Afrika heen verteenwoordig. Sy hoofkantoor is in Jet Park, Johannesburg, en hy het takke in Durban, Oos-Londen en die Wes-Kaap.
NAMPO
HPE Africa gaan verskeie produkte op Nampo uitstal, onder meer sy reeks graafmasjiene, (toegerus met rusperbande of wiele), laaigraaf-nutswerkstuie, sleepstuurlaaiers en kleiner graafmasjiene.