Equalizer is Trots Suid-Afrikaans. Die maatskappy is toegespits op die vervaardiging van saai- en planttoerusting.
Equalizer-planters se suksesverhaal het 17 jaar gelede begin. Sedertdien vorm vernuwende ontwerpe, gehalte-vervaardiging, tevrede kliënte en volgehoue naverkoopdiens die grondslag van dié onderneming. Equalizer se gewilde toerusting sal ook op Nampo te sien wees.
RYGEWASSE
Equalizer druk al van 2004 af sy stempel af op die mark vir somergraangewasse met die reeks wyespan-planterrame wat in 10-32 rye kan werk.
Die wyespan-planterraam is standaard toegerus met Equalizer se Presisie C-planteenhede wat ideaal is vir konvensionele bewerkingspraktyke.
Equalizer het in 2011 ’n opskudding veroorsaak met die bekendstelling van die reeks Presisie SL-planters. Die vraag na dié enkelbewerkingsplanter het die afgelope ses jaar dermate toegeneem dat dit sonder twyfel die planter vir die toekoms is. Met ’n kapasiteit van tot 20 planteenhede kan die boer skaalvoordele benut. Veeldoeligheid is die kern van hierdie eenheid se sukses.
Die SL-planter van Equalizer is standaard toegerus met ’n veerbelaaide voorsnykouter voor op die balk. As daar baie materiaal is, kan die SL-eenheid met ’n bykomende stel ryskoonmakers gemonteer word.
Die geïntegreerde ontwerp
KAAPSE WORTELS
Equalizer se fabriek is in Brackenfell in Kaapstad se noordelike stadsgebiede geleë en beslaan ongeveer 9 300 m2. Die maatskappy het 140 mense in diens. 1 2 3 van die tand/skottel-en-planteenheid verseker dat die kunsmis op die ideale diepte geplaas word. Die wegbreekkrag op die tand en die afwaartse druk op die plantereenheid word met ’n hidrouliese silinder beheer.
Equalizer se presisieplanters is standaard toegerus met Precision Planting vSet2-uitmeters. Boere kan kies tussen elektriese aandrywing of grondaandrywing vir saadverspreiding. Precision Planting se ander produkte, soos hidrouliese drukbeheer (DeltaForce) en SpeedTubes, is ook beskikbaar.
DEKGEWASSE EN SOJABONE
Equalizer bied skyf- en tandsaaiers vir die verbouing van wintergraangewasse (kleingraangewasse) of dekgewasse. Die tandsaaier, beter bekend as koringplanters, wat hoofsaaklik in die Wes-Kaap diens doen en waar Equalizer die markleier is, is geskoei op ’n tandeenheid wat as ’n enkelbewerkingswerktuig geklassifiseer word.
Die stelsel word met reusesukses in die Wes-Kaap gebruik, veral in kombinasie met vooropkomsonkruiddoders.
Die sojaboonplanters word suksesvol in veral die Hoëveld gebruik om sojabone te plant. Hierdie stelsel is gewild danksy die eenvoud gekombineer met ongeëwenaarde produktiwiteit.
Equalizer se geenbewerkingskyfsaaier is die nuutste model in die reeks en wen vinnig veld as ’n gunsteling vir die plant van dekgewasse. Dié model het reeds drie seisoene lank toetse en verbeteringe ondergaan en boere behaal groot sukses met die plant van dekgewasse. 021 981 2161. Bylae tot Landbouweekblad