Rau Easy Farming se immobiliseerder laat boere toe om met diere te werk sonder dat die diere pyn, ongemak of spanning beleef.
Behandel jou plaasdiere met behulp van Rau Easy Farming se immobiliseerder. Dit maak hulle rustiger as enige ander metode, het navorsing van prof. Stephen Webb en sy kollegas van die McNeesestaatsuniversiteit in Amerika getoon. Die toestel veroorsaak nie pyn, ongemak of spanning nie.
Menige beesboer en veearts kan getuig dat dié immobiliseerder vinnig en maklik werk. Die boer hoef geen klampies voor of agter aan die dier te sit wat boonop op kritieke tye kan afglip nie. Rau Easy Farming se immobiliseerder werk met ’n staaf wat onder die stert in gedruk word. Met die draai van ’n knoppie stel die boer die immobiliseer in werking en dan kan die dier maklik gebrandmerk, geknip of behandel word.
Met die toestel kan die hanteerder selfs die mees halsstarrige en weerbarstige veldbees met deernis hanteer. Die boer werk sonder die vrees vir beserings en sonder om duur veemiddels op die grond te laat beland omdat die dier tydens toediening bly rondspring. Strelende impulse hou die dier sagkens in bedwang sodat die werk doeltreffend gedoen kan word.
Rau Easy Farming se immobiliseerder is ook heeltemal veilig en geskik vir gebruik by jong en dragtige diere. Boere en veeartse, plaaslik en oorsee, gebruik dit ook vir die immobilisering van perde, skape, bokke en wild.
Die immobiliseerder kan tien uur aanmekaar werk voordat die battery herlaai moet word.
Dit bestaan uit ’n beheerkassie, ’n immobiliseerstif, ’n herlaaikoord en ’n eenvoudige handleiding. Dit is alles netjies en kompak in ’n drasakkie.
Die hele toestel, met uitsondering van die battery, is vir twaalf maande gewaarborg. 082 959 5759 082 550 8663; raueasy@telkomsa.net; www.raueasy.com.