Kostedoeltreffendheid en duursaamheid is die grondslag waarop GSI Africa sy silo’s in Suid-Afrika en die res van Afrika oprig.
Die GSI-groep is die grootste vervaardiger van graanopbergingstelsels ter wêreld met ’n teenwoordigheid in meer as 100 lande. GSI Africa, met sy hoofkantoor in Johannesburg, is die voorste verskaffer van graanhanteringstoerusting in Suid-Afrika, met ’n markaandeel van meer as 60%. Dié maatskappy het sy eie pakhuis en kan dus vinnig bestellings afhandel en onderdele verskaf.
Die maatskappy is die afgelope 20 jaar betrokke by die installering van graanopbergingsgeriewe in ander Afrikalande, soos Kenia, Zambië, Tanzanië, Uganda, Rwanda, Burundi, Mosambiek, Angola, Zimbabwe, Botswana en Namibië.
Elke kliënt se unieke boerderyomstandighede word in ag geneem om oplossings te vind vir die opberging, hantering, droging en kondisionering van graanprodukte. Die stelsels kan saam met jou plaas groei en mettertyd vergroot word om by te hou met hoër vlakke van graanproduksie en groter oeste.
Die kommersiële stelsels sluit in die 40-reeks graansilo’s, kommersiële hoppertenks en silovloere. Wat plaasstelsels betref, bied GSI Africa graansilo’s, grootmaatvoertenks vir opberging op die plaas, graanhoppertenks en silovloere wat by die plaas se vereistes aangepas is.
Die opbergingskapasiteit wissel van 2,5 ton tot 29 000 ton.
GSI Africa het toerusting vir die droging en kondisionering van graan, soos waaiers, verwarmers, draagbare graandroërs, toringdroërs en bodroogstelsels. Die installering en instandhouding is maklik.
Danksy drogingstelsels kan boere vroeër stroop teen ’n graanvoginhoud van tot 28%.
Doeltreffende hanteringsoplossings sluit in bakkieshysers, kettingvervoerstelsels, vervoerbande, awegare, kettingkringstelsels en lugpompstelsels. Outomatiseringstegnologie wat spesifiek op hoë produktiwiteit gemik is, is ook beskikbaar.
Gesels ook met GSI Africa oor tegnologie wat 20 ton tot 200 ton graan per uur kan skoonmaak. gsiafrica.co.za; gsiafrica.co.za; www. sale@ 011 794 4455.