Vicro Bulk help die boer om te bepaal wat hy nodig het, en ontwerp toerusting dan na gelang van sy begroting en terrein.
Vicro Bulk vervaardig graanhanteringstoerusting en brei ook bestaande aanlegte en silo’s uit. Dié familieonderneming het ’n tekenkantoor met ’n meganiese ingenieur, twee tekenaars en CAD/Inventor-ontwerpprogramme. Toerusting word ontwerp en gebou volgens boere se presiese afmetings.
Vicro Bulk gebruik nie kontrakteurs nie. ’n Toegewyde siviele-ingenieurspan behartig alle uitgrawings, staalbuigwerk en betonwerk. ’n Span silooprigters en ’n meganiese installasiespan is verantwoordelik vir alle toerusting.
Mnr. Johan Cronjé het 1982 voerbuise begin vervaardig en daarna uitgebrei om meer hanteringstoerusting te vervaardig.
Vicro Bulk het in 1994 begin handel dryf vanuit die fabriek in Vereeniging. In 2013 het mnr. Casper Cronjé en me. Liezel Cronjé-Du Preez die maatskappy by Johan, hul pa, oorgeneem.
Hulle bou sementsilo’s vir onder meer Afrisam, PPC Cement en Lafarge. Hulle rig ook graansilo’s op vir die grootste silovervaardigers uit Amerika en Europa. Hulle vervaardig onder meer voerbuise, skroefvoerders, bakkieshysers, sleepkettings, mengers, skoonmakers en enige graanhanteringstoerusting.
Al die toerusting word plaaslik vervaardig, en net staal met ’n minimum dikte van 2,5 mm word gebruik.
“Ons kan op enige plek in Suid-Afrika aflewer, oprig en installeer. Kliënte is welkom om ons te besoek,” sê Liezel.
GETUIGSKRIF
Mnr. Kobie Fourie, besturende direkteur van Môreson-pluimveeboerdery, sê die gehalte van produkte is uiters belangrik.
“Vicro Bulk se diens is professioneel, die personeel is vriendelik en kundig, en die produkte is van die hoogste gehalte.” vicrobulk.co.za; 083 285 4409;
vicrobulk.co.za; www. liezel@ 082 566 7001.