SÓPAKJY ’N ’50-50’VENNOOTSKAP

DAAR moet geen verskuilde agendas wees as jy by transformasieprojekte betrokke raak nie.

Dít was mnr. Milaan Thalwitzer van die Bosveldgroep se raad op die mediabekendstelling van vanjaar se Nasie in Gesprek-reeks by die Nampo-Oesdag. Die Bosveldgroep het ’n

werkerstrust begin waar deelnemers reeds twee jaar gelede hul skuld afbetaal het.

“Alles is nou winsgedrewe. Alle deelnemers en aandeelhouers is gelukkig.”

Thalwitzer het ook gesê die groep huur grond by gemeenskappe, wat vir albei partye voordelig is.

Hy het gesê ’n transformasieprojek bied wonderlike geleenthede om mense byvoorbeeld te leer hoe ’n raad van direkteure werk en hoe om ’n balansstaat te verstaan.

EIENAARSKAP

Die Bosveldgroep het twee jaar gelede met ’n 50-50-model begin. Thalwitzer sê dit is egter baie ingewikkeld en nog baie werk moet gedoen word, veral oor eienaarskap en titelaktes.

Mnre. Roelf Meyer, direkteur van die In Transformation Initiative, en Mike Mlengana, direkteur-generaal van Landbou, Bosbou en Visserye, het albei gesê grond is net waardevol as dit kommersiële waarde het.

“Die gebrek aan titelaktes is ’n ernstige saak vir swart kommersiële boere. Dit is regtig hartseer,” het Mlengana gesê.

“’n Mens kan nie in ’n plaas belê wat nie joune is nie.”

Volgens hom word druk in die kabinet uitgeoefen dat die kwessie aandag kry.

In Rwanda is alle grond volgens mnr. TP Nchocho, uitvoerende hoof van die Land Bank, byvoorbeeld opgemeet en is daar vir elke vierkante meter ’n titelakte uitgereik.

Dit het tot ’n styging in kapitale invloei in die land gelei.