INVOER EN MARKTOESTANDE RY HOENDERP RODUSENTE
DIE genoteerde pluimveeprodusente Astral en Sovereign se geldsake trek steeds swaar weens rekordvolumes ingevoerde vleis, hoë voerpryse en die nuwe perk op toegevoegde pekelwater
Astral se inkomste vir die halfjaar tot einde Maart het met 1% gedaal tot R5,79 miljard. Sovereign het, ten spyte van ’n styging van 25% in omset, in die jaar tot Februarie ’n verlies van R35,5 miljoen gely teenoor die vorige jaar se wins van R81,1 miljoen.
Astral se bedryfswins het met 51% gedaal en sy wesensverdienste per aandeel met 54%. Sovereign het ’n verlies van 46,5 sent per aandeel gely.
’n Rekordhoev eelheid van 66 658 ton hoendervleis is in Maart vanjaar ingevoer, ondanks ’n verbod op invoer uit sekere Europese lande waar voëlgriep uitgebreek het.
Mnr. Chris Schutte, uitvoerende hoof van Astral, sê ’n groot deel van die invoer was uit Amerika. Meer inligting is nog nie beskikbaar nie en dis moontlik dat drie maande se bestellings in een maand aangeteken is.
Die invoer uit Amerika is steeds binne die perke van die ooreenkoms tussen Amerika en Suid-Afrika kragtens die Amerikaanse wet op groei en geleenthede in Afrika (Agoa), wat bepaal dat 65 000 ton hoenderstukke aan die been sonder ’n teenstorting starief ingevoer mag word.
PEKEL
Die inkomste van Astral se pluimvee-afdeling het in sy jongste halfjaar met slegs 0,4% gestyg. In dié tyd moes die toevoeging van pekelwater by kitsbevrore stukke (IQF) van 30% tot 15% vermin- der word, en het voerpryse met 16,8% gestyg. Dié afdeling se bedryfswins het met 88,5% gedaal. Sovereign het ook hul swakker prestasie aan dié faktore toegeskryf, asook weens eenmalige regskoste om ’n oorname deur Country Bird Holdings te keer.
Met die pekelperk het Astral nuwe pakgroottes bekend gestel. Schutte sê dit is nog nie duidelik watter grootte verbruikers verkies nie. “In sekere gebiede hou verbruikers by die 2 kgsak, al kos dit meer omdat daar meer hoendervleis in is. Maar die (nuwe) 1,7 kg-sak verkoop ook. Dit hang af watter produkte die kleinhandel op promosie verkoop. “Wat interessant is, is dat meer 5 kg-sakke verkoop word. Dit lyk of mense daarvan koop en die vleis dan onder mekaar verdeel.” Hy sê hulle wil sowat ’n jaar lank dophou watter verpakkings verbruikers verkies. Die inkomste van Astral se voerafdeling was 0,4% laer weens ’n daling van 8% in die verkope van voer.
POSITIEF
Sovereign sê in ’n verklaring sy uitvoer van rou en gaar vleisprodukte groei steeds, en die maatskappy werk daaraan om uitvoer na spysenieri ngsdienste en kleinhandelaars in die Midde-Ooste uit te brei. Mnr. Chris Coombes, uitvoerende hoof, het aan Moneyweb gesê die maatskappy wil, wanneer die regulatoriese omgewing verbeter, na Amerika en die Europese Unie uitvoer.